لاہور۔ 10 فروری (اے پی پی) بنجائی وزیر ڈٹ بندی، شونداری و خصوصی گام گیج پروفیسر احسن اقبال پارینے کہ پاکستان پوسکن بال کننگ کن تیار ءِ، دوئی وسیلہ غاتے کاریم اٹ اتنگ کن گڈگورننس بھاز المی ءِ، پاکستان اٹ لائخی و وسیلہ غاتا ہچ ءُ کمتی اس اف، ملکی شونداری کن پالیسی تا چرجوئی المی ءِ، پبی خواری کرسا 77 سال آتا نسخان ءِ پور و کروئی مریک، ادارہ غاتیٹی گچینی کن اصلاحات المی، پوسکن آ ٹیکنالوجی ءِ تینا کننگ وخت انا اہم گرج ءِ، وزیراعظم محمد شہباز شریف نا کماشی ٹی زوت ملک ءِ جہانی زرگزرانی قوت ا س جوڑ کینہ۔ داخیال آتا درشانی ءِ او دوشنبے نادے آ نیشنل اسکول آف پبلک پالیسی(این ایس پی پی) ٹی ریاستی ملکیتی انٹرپرائزز(ایس اوایز) نا ڈائریکٹرآتا 3 دے ئی ٹریننگ پروگرام نا بشخ ہلوک آتیان تران اٹی کرے۔ بنجائی وزیر پارےکہ ریاستی ملکیتی انٹرپرائزز(ایس اوایز) نا سرکڑدہ ئی ءِ کسبی کننگ و کارکڑد ءِ ودفنگ کن ڈائریکٹر ز ٹریننگ پروگرام (ڈی ٹی ایس) نا اڈتننگ اہم ءُ گام اسے ہراڑآ ای نیشنل اسکول آف پبلک پالیسی (این ایس پی پی ) و ایگزیکٹیو ڈویلپمنٹ انسٹی ٹیوٹ نا انتظامیہ ءِ مبارکبادی ایتیوہ، داڑآن ملکی السی بشخ انا گورننس اٹی گچینی بریک و ایس اوایز ءِ جہانی وڑوڈول آتون ہم گرنچ کننگ اٹ کمک رسینگک۔
