لاہور۔ 10 فروری (اے پی پی) وزیراعظم محمد شہباز شریف اِرادےئی سرکاری دورہ غا متحدہ عرب امارات آ روانہ مس۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ نائب وزیراعظم و وزیرخارجہ اسحاق ڈار، بنجائی وزیرخواجہ آصف، احدخان چیمہ، محمد اورنگزیب، سردار اویس خان لغاری، عطاء اللہ تارڑ و خصوصی کمکار طارق فاطمی ہم وزیراعظم تون اوار ءِ۔ متحدہ عرب امارات نا نائب صدر و وزیراعظم و دبئی نا فرمانرواشیخ محمد بن راشدالمکتوم نا سلہ غا وزیراعظم محمد شہباز شریف ورلڈ گورنمنٹس سمٹ اٹی بشخ ہلنگ کن متحدہ عرب امارات نا 10 و11 فروری آ اِرادے ئی سرکاری دورہ ءِ کننگ ءِ۔ وزیراعظم دبئی ٹی اڈ ہلوک ورلڈ گورنمنٹس سمٹ اٹی بشخ ہلنگ و تران کیک۔ وزیراعظم متحدہ عرب امارات نا سرکڑدہ غاتون اوڑدہی تتون اوار اوار سروکی دیوان اٹی بشخ ہلنگ کن بروک چندی ملک آتا حکومتی سروک آتون ہم اوڑدہی کیک۔ وزیراعظم دورہ ٹی متحدہ عرب امارات اٹی رہینگوک پاکستانی و متحدہ عرب امارات اٹی کاروباری برادری و زرکارآتون ہم اوڑدہی کیک۔ وزیراعظم نا وزارت عظمیٰ نا منصب ءِ سنبھالنگ آن پد دامتحدہ عرب امارات نا ارٹ میکو دورہ ءِ۔
