اسلام آباد۔ 10فروری (اے پی پی) بنجائی وزیر واپار جام کمال خان بیلاروس آ سرمس، ہراڑے بیلاروس نا نائب وزیرتوانائی، دزیانِس ماروز بالی پٹ آ اودے بخیرکرے۔ دوشنبے نادے آ جاری اعلامیہ نا رداٹ تینا دورہ ٹی، وزیر واپار بیلاروس نا وزیر توانائی، الیکسی کوشنارینکو تون پاکستان۔بیلاروس مشترکہ وزارتی کمیشن نا 8 می دیوان نااسیجائی کماشی ءِ کیک۔ دادیوان ہڑتوم آ کنڈآ تا واپاری و اقتصادی کمکاری ءِ مون آ دننگ آ چکاری مریک۔ وزیرواپار نا دورہ ٹی بیلاروس نا وزارت خارجہ، وزارت توانائی، و وزارت کشت وکشار و خور انا بڑزکو کمامدارآتون اہم اوڑدہی اوار ءِ۔ داوخت آ واپاری معاہدہ غا دستخط آتا دود ہم مریک۔ داکان بیدس وزیرواپار نا اعزازاٹی اسہ بیابخیری دود اسے نا ہم بست وبند ءِ کننگک ہراڑے پاک۔ بیلاروس واپاری تعلقداری ءِ پین سوگو کننگ آ گپ وتران کننگک۔
