اسلام آباد۔9فروری (اے پی پی):نائب مزن وزیر ءُ دری کارانی وزیر سینیٹر محمد اسحاق ڈار ءَ یک شمبے ءِ روچ ءَ ترکی ءِ دری کارانی وزیر ھاکان فدان ءَ گوں ٹیلی فون ءِ سر ءَ گپ ءُ تران کتگ ءُ غزہ ءِ بدل بوھوکیں جاور ھال آنی سر ءَ گپ ءُ تران کتگ ۔ درئی کارانی کارگس ءِ جارکش ءِ نیمگ ءَ چہ جاڑی بوتگیں بیان ءِ رد ءَ دری کارانی وزیر سینیٹر محمد اسحاق ڈار ءَ فلسطین ءِ راج ءِ واستہ پاکستان ءِ بے دروریں عزم ءُ کمک ءِ درشانی کتگ آئی ءَ گوشت کہ پاکستان 1967 ءِ بنیات ءَ یک وت واجہ ءُ آجوئیں فلسطین ءِ ریاست ءِ جوڑ کنگ ءِ حمایت ءَ برجاہ دار ایت کہ ایشی ءِ بنیات ءَ اسحاق ڈار ءَ فلسطینی راج ءِ بے لوگ کنگ ءِ تجویز ءِ سر ءَ پاکستان ءِ سکیں جیڈھ ءِ درشانی کت ءُ اے گپ ءِ پدا زور دات کہ فلسطینی سرزمین فلسطینی راج ءِ اِنت دوئیں وزیراں اے ھاسیں جیڈھ ءِ سر ءَ ھیال ءُ لیکہ کنگ ءِ ھاترا او آئی سی ءِ غیر معمولی وزارتی دیوان ءِ دعوت دیگ ءِ حمایت کنگ ءِ سر ءَ تپاک کتگ۔ آیوکیں روچاں نزیکیں سیادی ءِ برجائی ءِ سر ءَ ھم تپاک کنگ بوتگ۔
