اسلام آباد۔9فروری (اے پی پی):نائب مزن وزیر ءُ دری کارانی وزیر سینیٹر محمد اسحاق ڈار ءَ پرتگال ءِ شھر لیسبن ءَ برطانیہ ءِ پارلیمانی میاں اوستمانی ، پاکستان ءُ اوگانستان ءِ انڈر سیکرٹری آف اسٹیٹ ھمیش فاکنر ءَ گوں گند ءُ نند کتگ ۔ یک شمبے ءِ روچ ءَ ادا وزارت ءِ ھزانگ ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ سینیٹر محمد اورنگزیب ءَ پاکستان ءُ برطانیہ ءِ نیام ءَ وت مہ وتی بھروسہ ءُ شریکداری ءِ بنیاد ءَ نزیکیں ءُ گرمیں سیادی آنی سر ءَ پدا زور پر دات ءُ دوئیں ملک آنی نیام ءَ سیادی آناں گیش مھکم ءُ پائیدار جوڑ کنگ ءِ واھشت ءِ ھم درشان کت۔ گند ءُ نند ءِ ساھت ءَ وت مہ وتی دلچسپی ءِ جیڈھ آنی سر ءَ ھاسیں رنگ ءَ پاکستان ءِ توانائی، معدنیات ءُ بنیاتی ڈھانچگ ءِ شوبگ آنی تہ ءَ سرمایہ کاری ءِ موہ آنی سر ءَ ھم گپ ءُ تران کنگ بوت۔ اے موہ ءِ سر ءَ وت مہ وتی سیادی ءَ را دیمروئی دیگ ءَ پبلک ریلیشنز ءُ پاکستانی ڈائسپورا ءِ کرد ءَ را ھم ساڑاھگ بوت۔
