لزبن ۔8فروری (اے پی پی): بنجاھی وزیر مالیات ءُ آمدنی سینیٹر محمد اورنگزیب ءَ شیعہ اسماعیلی مسلمانانی 49می امام مرحوم شہزادہ کریم الحسینی آغا خان ءِ جنازہ ءِ نماز ءَ بہر زرتگ۔ مسلماناں۔ شمبے ءِ روچ ءَ ادا وزارت ءِ ھزانگ ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ وزیر ھزانگ ءَ نمیرانیں شہزادہ کریم آغا خان ءِ بیرانی ءِ سر ءَ صدر ، مزن وزیر ءُ پاکستان ءِ الس ءِ نیمگ ءَ دلپدردی ءِ درشانی کت۔ آئی ءَ نمیرانیں شہزادہ کریم آغا خان ءُ آغا خان ءِ دیمروئی نیٹ ورک ءِ ازمت آناں ھم ساڑات۔ وزیر خزانہ ءَ شہزادہ کریم آغا خان چہارم ءِ بیرانی ءَ را آئی ءِ ھاندان، سنگت ءُ پیروکار آنی واستہ مزنیں تاوان لیک اتگ ءُ ہمے رنگ ءَ سرجمیں دگنیا ءِ حاشیہ ءِ سرا نشتگیں ءُ زلورت مندیں مردم آنی واستہ مزنیں تاوان لیک اتگ۔ نمیرانیں شہزادہ کریم آغا خان ءِ پاکستان ءُ آئی ءِ الس ءِ گوما ھاسیں عزم ءِ ھوالگ ءَ وزیر ءِ ھزانگ ءَ گوشت کہ پاکستان ءِ حکومت ءَ شہزادہ کریم آغا خان ءِ جنازہ ءِ موہ ءَ 8فروری 2025ءَ راجی سوگ ءِ روچ ءِ جار جتگ۔ سرجمیں ملک ءَ ءُ درملک ءَ پاکستان ءِ سفارت خانہ آنی تہ ءَ پاکستان ءِ بیرک نیم مستر ءَ ایر کنگ ءَ انت۔
