اسلام آباد۔8فروری (اے پی پی): مزن وزیر ءِ قانونی کارانی بابت ءَ مشیر بیرسٹر عقیل ملک ءَ اپوزیشن پارٹی پی ٹی آئی ءِ سر ءَ گپ ءُ تران ءِ یلہ کنگ ءِ سر ءَ ایراد گپتگ ءُ ملک ءِ دیمروئی ءِ واستہ گپ ءُ تران ءِ تہ ءَ حکومت ءِ حقیقی دلچسپی ءِ سر ءَ زور پر داتگ۔ راجی استحکام ءِ دیمروئی ءِ مول ءُ مراد ءَ گپ ءُ تران ءِ تہ ءَ سنجیدگی ءِ درشان کنگ بوتگ۔ آئی ءَ گوشت کہ سرکار ءَ باز رند ءَ بے ھچ پیش شرط ءَ گپ ءُ تران ءِ پیشکش کتگ بلے پی ٹی آئی ءَ ایوک ءَ آشوب ءِ درشان کتگ۔ عاقل ملک ءَ تحریک انصاف ءِ سر ءَ ایراد گپتگ ءُ پاکستان ءِ نپ ءُ سیت ءِ بے ارزی ءَ ایر جتگ ۔ آئی ءَ گوشت کہ گپ ءُ تران ءِ لوٹ آناں یلہ کنگ ءَ تحریک انصاف ءَ ھما گیواری ءِ شوھازگ ءِ واستہ جزم ءِ کمی ءِ درشان کتگ کہ ملک ءَ را سیت مند بہ بیت۔ یک جست ءِ پسو ءَ عقیل ملک ءَ گوشت کہ پاکستان ءَ را ڈیفالٹ ءَ چہ رکھینگ ءُ اقتصادی آؤٹ لک ءَ را گہتر کنگ ءَ مسلم لیگ ن ءِ حکومت ءَ مزنیں کرد پیلو کتگ آئی ءَ اے گپ ءِ سر ءَ زور پر دات کہ مئے حکومت ءِ دور ءَ درملکی زرّ ءِ ذخیرہ، برآمدات ءِ تہ ءَ گیشی بوتگ ءُ جی ڈی پی ءَ مزنیں کساسے ءَ گہتری بوتگ۔ عقیل ملک ءَ اے گپ ءِ سر ءَ زور پر دات کہ ایوک ءَ سرکار ءِ سر ءَ ایراد گرگ ءِ بدل ءَ اپوزیشن ملک ءِ دیمروئی ءِ تہ ءَ جوڑیشت ءِ کرد ءَ پیلو بہ کنت۔ آئی ءَ اے گپ ءِ سر ءَ زور پر دات کہ پاکستان ءِ چیلنج آنی گیواری ءُ استحکام ءِ ھاترا یک کمکی رپک ءِ المی اِنت۔
