اسلام آباد۔8فروری (اے پی پی): جان سلامتی ءِ کوآرڈینیٹر ڈاکٹر مختار احمد بھرتھ ءَ اپیل کتگ کہ آ پولیو ءِ ھلاپ ءَ مہم ءِ وھد ءَ وتی زھگاں پولیو ءِ ڈراپ دیگ ءَ دل یکیمی بہ کن اَنت ءُ مات ءُ پت ءُ سول سوسائٹی ءِ کمک ءَ ابید سوبمند نہ بنت۔ شمبے ءِ روچ ءَ راجی وزارت جان سلامتی ءِ جارکش ءَ جاڑی بوتگیں بیان ءِ تہ ءَ جان سلامتی ءِ کوآرڈینیٹر ڈاکٹر مختار احمد بھرتھ ءَ گوشت کہ سرجمیں ملک ءَ پولیو ءِ ھلاسی ءِ اولی راجی مہم جاری اِنت۔ آئی ءَ مات ءُ پت آناں اپیل کت کہ آ اے گپ ءَ دل یکیمی بہ کن اَنت کہ پولیو ءِ مہم ءِ وھد ءَ وتی زھگاں پولیو ءِ ڈراپ دیگ بہ بیت پولیو ءِ کارندہ راج ءِ بامرد اَنت ءُ ما آھانی ھزمت آناں شرپ ءُ شان پیش کن ایں ڈاکٹر مختار بھارت ءَ گوشت کہ پولیو ءِ ھلاسی ءِ واستہ الس ءَ را حکومت ءِ کمک کنگی اِنت۔ آئی ءَ گوشت کہ مزن وزیر محمد شہباز شریف ءِ سروکی ءَ پولیو ءِ ھلاسی ءِ واستہ یک ھمگرنچیں حکمت عملی ءِ چیر دستی ءَ کار جاری اِنت۔ مزن وزیر ءَ بلوچستان ءَ مہم ءِ چار ءُ تپاسی ءِ واستہ میدان ءِ تر ءُ تاب کتگ۔ ڈاکٹر مختار بھارت ءَ گوشت کہ پولیو ءِ کارندہ آنی جان سلامتی ءِ واستہ حکومت ھمک رنگ ءِ گامگیج کنگ ءَ انت۔ جان سلامتی ءِ کوآرڈینیٹر ءَ گوشت کہ بیا اِت پولیو ءِ وائرس ءِ ھلاسی ءَ وتی کرد ءَ پیلو کن ایں ۔
