اسلام آباد۔8فروری (اے پی پی): بنجاھی تہی کارانی وزیر محسن نقوی ءَ بنو ءَ پولیس ءِ پوسٹ ءِ سر ءَ خاورجی ناشرکار آنی اُرش ءِ مذمت کنان ءَ گوشت کہ خیبر پختونخوا پولیس ناشرکاری ءِ ھلاپ ءَ جنگ ءِ تہ ءَ پیشگام ءِ کرد ءَ پیلو کنگ ءَ اِنت۔ شمبے ءِ روچ ءَ وزارت داخلہ ءِ نیمگ ءَ جاڑی بوتگیں بیان ءِ تہ ءَ بنجاھی وزیر داخلہ ءَ بنوں ءَ پولیس پوسٹ ءِ سر ءَ خوارج ناشرکار آنی اُرش ءَ شہید بوتگیں دوئیں پولیس کارندہ آناں یات درشان کتگ۔ آئی ءَ شہیدیں پولیس افسر آنی کھول ءِ گوما دل ءِ جہلانکی ءَ دلپدردی ءِ درشانی کتگ ءُ ٹپیگیں پولیس افسر ءِ زوت جان سلامتی ءِ دعا کتگ۔ بنجاھی داخلہ ءِ وزیر ءَ شہیدیں کارندہ آنی قربانی ءَ را سلام پیش کنان ءَ گوشت کہ خیبر پختونخوا پولیس ناشرکاری ءِ ھلاپ ءَ جنگ ءَ پیشگام ءِ کرد ءَ پیلو کنگ ءَ اِنت کے پی کے پولیس ءِ بہادریں زھگ آناں وتی جان قربان کنگ ءَ راجدپتر جوڑ کتگ۔
