اسلام آباد۔8فروری (اے پی پی): آئی ٹی ءُ ٹیلی کمیونیکیشن ءِ وزیر مملکت شزہ فاطمہ خواجہ سعودی عرب ءَ برجم دارگ بوھوکیں ’’لیپ 2025‘‘ ءَ پاکستان ءِ نمائندگی کنت ءُ پاکستان ءِ ڈیجیٹل دیمروئی ءِ سر ءَ چمشانک دنت۔ آئی ٹی ءُ ٹیلی کام ءِ وزارت ءِ نیمگ ءَ چہ جاڑی بوتگیں بیان ءِ رد ءَ پاکستان ءِ مزنیں ٹیکنالوجی ڈل LEAP 2025 ءَ جھان ءِ معیشت ءِ تہ ءَ وتی توانائی آنی درشان ءَ کنت۔ زانگ بہ بیت کہ مصنوعی ذہانت، سائبر سیکورٹی، ءُ فن ٹیک ءِ پڑ ءَ پاکستان ءِ زبردستیں پیشرفت لیپ 2025 ءَ دیم ءَ آرگ بیت۔وزیر مملکت ءَ را گلوبل سرمایہ کار ءُ ڈیجیٹل کمپنی آنی گوما ھم گند ءُ نند کنگ بیت، ءُ پاکستان ءُ سعودی عرب ءِ نیام ءَ ڈیجیٹل شریکداری ءَ را گیش وسعت دیگ ءِ سر ءَ ھم لیپ 2025 ءَ گپ ءُ تران کنگ بیت۔ پاکستانی آئی ٹی کمپنی وتی مہارت ءُ نوکیں ھیالاں جھان ءِ تک ءَ پیش کن اَنت، ڈیجیٹل معیشت ءِ تہ ءَ پاکستان ءِ دیمروئی ءُ ورنا آنی واستہ موہ آنی سر ءَ گپ ءُ تران کن اَنت وزیر مملکت لیپ 2025ءَ پاکستانی اسٹارٹ اپس آناں جھان ءِ سرمایہ کاری ءِ موہ پجارینگ ءِ سر ءَ گپ ءُ تران کن اَنت۔
