ہاربن۔8فروری (اے پی پی): صدر آصف علی زرداری چین ءِ پنچ روچی تر ءُ تاب ءِ سرجم کنگ ءَ پد وتی وطن ءَ شتگ۔ صدارتی ایوان ءِ پریس ونگ ءِ رد ءَ چین ءِ تر ءُ تاب ءِ وھد ءَ صدر ءَ وتی چینی ھمکار شی جن پنگ ءُ مزن وزیر لی کی چیانگ ءَ گوں گند ءُ نند کتگ۔ صدر ءِ مملکت ءَ چین ءِ شہر ہاربین ءَ 9می ایشیائی زمستانی گوازی آنی بنگیجی مراگش ءَ ھم بھر زوری کت۔ تر ءُ تاب ءِ وھد ءَ پاکستان ءُ چین ءِ نیام ءَ جتا جتائیں شوبگاں کمک ءِ واستہ مفاہمت نامہ ءِ سر ءَ ھم دستخط کنگ بوت۔
