اسلام آباد۔7فروری (اے پی پی):منصوبگ بندی، دیمروئی، گہتری کار ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ پاکستان ءِ حکومت موسمی بدلی ءِ ھوالگ ءَ صوبگ، جھان ءِ شریک ءُ ایندگر سیادی داروکیں گل آنی گوما کار کنگ ءِ واستہ جزم اِنت۔ جمعہ ءِ روچ ءَ موسمیاتی بدلی ءِ ھوالگ ءَ میاں اوستمانی کانفرنس ”پاکستان ءَ ساہ بہ زور“ ءَ گوں تران کنان ءَ آئی ءَ اے جھان ءِ جیڈھ ءِ گیواری ءِ واستہ پاکستان ءِ نیمگ ءَ چست کتگیں گامگیج ءُ آئی ءِ آیوکیں حکمت عملی ءِ سر ءَ چمشانک دات۔ آئی ءَ گوشت کہ پاکستان ءِ حکومت ءَ موسمی مٹ ءُ بدلی ءِ آسر آناں کم کنگ ءُ ایشی ءِ گوما وتی ردوم ءِ واستہ بازیں ھاسیں گامگیج چست کتگ احسن اقبال ءَ گوشت کہ پاکستان ءِ وڑیں دیمروئی کنوکیں ملک آناں موسمی مٹ بدلی ءِ گوما گر ءُ چیل بوھگ ءِ واستہ مالی وسیلگ آنی ضلورت اِنت، چیا کہ اے ملک موسمی مٹ ءُ بدلی ءِ گیشتریں منفی آسر آنی دیم ءَ کپگ ءَ اَنت۔ آئی ءَ اے گپ ءِ سر ءَ زور پر دات کہ میاں اوستمانی براتی دیمروئی کنوکیں ملک آناں فنڈنگ ءُ ٹیکنالوجی ءِ ٹرانسفر ءَ را دل یکیمی کنگ لوٹ ایت تانکہ آ موسمی مٹ ءُ بدلی ءِ جیڈھ آناں گیواری کت کن اَنت آئی ءَ گوشت کہ پاکستان ءِ حکومت ءَ موسمی مٹ ءُ مٹ ءِ ھوالگ ءَ یک ھاسیں سیل ءِ جوڑ کتگ، ایشی ءِ تہ ءَ موسمی مٹ ءُ بدلی ءِ ھوالگ ءَ منصوبگ بندی ءُ کارروائی آنی تہ ءَ ھمگرنچ کنگ بیت۔ ایشی ءَ ابید حکومت موسمی بدلی ءِ اتھارٹی ءِ ھم جوڑ کنگ ءَ اِنت، ایشی ءَ چہ موسمی بدلی ءِ ھوالگ ءَ جتا جتائیں دمگی ءُ جھان ءِ معاہدہ آنی سر ءَ عمل کنگ ءَ را دل یکیمی کنگ بیت احسن اقبال ءَ گوشت کہ پاکستان ءِ حکومت موسمی بدلی ءِ ھوالگ ءَ صوبہ، جھان ءِ شریک ءُ ایندگر سیادی داروکیں گل آنی گوما کار کنگ ءِ واستہ جزم اِنت۔ آئی ءَ اے گپ ءِ سر ءَ زور پر دات کہ موسمی مٹ ءُ بدلی ءِ پالیشی ءِ سر ءَ عمل درآمد ءِ تہ ءَ صوبگ آنی ھاسیں کرد اِنت، ءُ آ اے درگت ءَ مرکزی حکومت ءِ گوما نزیکی ءَ کار بہ کن اَنت آئی ءَ گوشت کہ پاکستان پیرس معاہدے ءِ تہ ءَ ھوار اِنت ءُ معاہدے ءِ چیر دستی ءَ وتی زمہ واری آناں پیلو کنگ ءِ واستہ جزم اِنت۔ حکومت موسمی مٹ ءُ بدل ءَ چہ پیداکیں جیڈھ آنی سر ءَ ھاسیں دلگوشی دیگ ءَ اِنت ءُ اے جیڈھ آنی گیواری ءِ واستہ یک سرجمیں حکمت عملی ءِ سر ءَ کار کنگ ءَ اِنت۔ احسن اقبال ءَ ھشدار داتگ کہ پاکستان ءَ ھوار دگنیا موسمی بدلی ءِ سبب ءَ مزنیں ھترہ ءِ آماچ اِنت ءُ اگاں ترندیں گامگیج نہ کنگ بہ بیت گڈا ایشی ءِ آسر سک باز بوت کن اَنت۔ آئی ءَ میاں اوستمانی براتی ءَ چہ اپیل کت کہ آ موسمی مٹ ءُ بدلی ءِ ھلاپ ءَ جنگ ءَ وتی کرد ءَ پیلو بہ کنت ءُ دیمروئی کنوکیں ملک آناں اے درگت ءَ آوانی دیم ءَ اوشتاتگیں جیڈھ آنی گیواری ءَ کمک بہ کنت۔
