مزن وزیر محمد شہباز شریف ءَ گوشت کہ بجلی ءِ شوبگ ءَ گہتری کار آنی جوانیں آسراتی دیم ءَ آیگ ءَ انت، بجلی ءِ دزی ءِ ھلاپ ءَ مہم ءَ را ترند کنگ ءَ چہ توامیں ڈسٹری بیوشن کمپنی آنی تاوان ءَ را 100درسد کم کنگ بیت

اسلام آباد۔7فروری  (اے پی پی):مزن وزیر محمد شہباز شریف ءَ گوشت کہ بجلی ءِ شوبگ ءَ گہتری کار ءِ جوانیں آسراتی درکپگ ءَ انت، بجلی ءِ دُزی ءِ ھلاپ ءَ مہم ءَ را گیش کنگ ءَ چہ درستیں ڈسٹری بیوشن کمپنی آنی تاوان ءَ را 100درسد کم کنگ بیت ءُ 2018 ءَ گیشیں گہتری کار ءِ تہ ءَ کمی کیت۔ جمعہ ءِ روچ ءَ مزن وزیر ءِ میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ بجلی ءِ شوبگ ءَ گہتری کار ءِ سر ءَ عمل درآمد ءِ ھوالگ ءَ چار ءُ تپاسی دیوان برجم دارگ بوتگ۔ دیوان  ءَ بنجاھی وزیر  خواجہ محمد آصف، احد خان چیمہ، عطاء اللہ تارڑ، ڈاکٹر مصدق ملک، سردار اویس لغاری، معاون خصوصی محمد علی ءُ سیادی داروکیں مزن مزنیں کارندہ آناں آیوکیں سئے سال آنی واستہ بجلی ءِ شوبگ ءِ گہتری کار ءِ ٹارگٹ ءُ بجلی ءِ شوبگ ءِ کارکردگی ءِ ھوالگ ءَ سرجمیں بریفنگ دیگ بوت۔ دیوان ءَ گوشگ بوت کہ بجلی ءِ شوبگ ءَ گہتری کارءُ دُزی ءِ ھلاپ ءَ مہم ءِ آسر ءَ دسمبر 2024ءَ تاں ڈسٹری بیوشن کمپنی آنی کلیکشن 93.26درسد ءَ گوں گہتر بوتگ اَنت۔ دیوان ءَ سرکلر ڈیبٹ ءِ تہ ءَ مرحلہ وار کمی ءِ روڈ میپ ، بجلی ءِ ٹرانسمیشن ءِ واستہ مقابلہ ءِ مارکیٹ جوڑ کنگ ، بجلی ءِ ٹیرف ءِ تہ ءَ کمی ءُ یک خاصیں ٹائم فریم ءِ گوما ایندگر گہتری کار ءِ ھوالگ ءَ ھم سرپد کنگ بوت۔ گند ءُ نند ءَ ماتیاری مورو رحیم یار خان ءُ غازی بروتہ فیصل آباد ءِ 500کلوواٹ ٹرانسمیشن لائن منصوبگ آنی دیمروئی ءِ ھوالگ ءَ ھم سرپد کنگ بوت۔ دیوان ءَ نیشنل ٹرانسمیشن اینڈ ڈسپیچ کمپنی ءِ ھلاسی ءُ نوکیں کمپنی انرجی انفراسٹرکچر، ڈویلپمنٹ اینڈ مینجمنٹ کمپنی ءِ جوڑ کنگ ءِ ھوالگ ءَ پیشرفت ءِ بابت ءَ ھم سرپدی دیگ بوت۔ مزن وزیر ءَ توامیں گہتری کارءُ منصوبگ آناں یک ٹھینگ بوتگیں وھد ءِ تہ ءَ سرجم کنگ ءِ ہدایت جاڑی کت۔ مزن وزیر ءَ گوشت کہ گوستگیں ھپت دہائی آنی ھرابکاری ءَ را گہتر کنگ ءِ واستہ وزارت ءُ سیادی داروکیں ادارگ یکوئی ءَ گوں کار کنگ ءَ اَنت، ایشی ءَ را وش آتک کنگ ءِ گپ اِنت اولی روچ ءَ آئی ءَ وتی اُلس ءَ را وعدہ کت کہ آ کم ھرچ ءُ درچ ءَ را چاگرد دوستیں بجلی ءِ پھجاری ءَ را دل یکیمی کنت۔ مزن وزیر ءَ گوشت کہ آئی پی پیز ءِ گوما کنٹریکٹ آنی چار ءُ تپاسی ءَ چہ راجی خزانہ ءَ را بچت ءُ صارف ءِ واستہ بجلی ءِ نرخ ءَ را کم کنگ بوھگ ءَ اِنت، بجلی ءِ دُزی ءِ ھلاپ ءَ مہم ءِ سبب ءَ ڈسٹری بیوشن کمپنی آنی تاوان ءِ تہ ءَ کمی وش آتک کنگ بیت ءُ اے وزارت ءِ بجلی ءِ محنت ءِ آسر اِنت ءُ 2018 ءِ تہ ءَ نجی بورڈ ءِ کمکی ادارگ آناں چہ ایپوٹ ریپوٹ ءِ تہ ءَ ھوار اِنت۔ کمپنیانی کارکردگی ءَ شر کنگ ءَ اِنت۔ مزن وزیر ءَ ہدایت کت کہ نجی شعبہ ءِ نیمگ ءَ چہ جوانیں نامداریں بورڈ ءِ باسک آناں زوتاں ڈسٹری بیوشن کمپنی آنی تہ ءَ گچین کنگ بہ بیت کہ ایشی ءِ تہ ءَ بورڈ جوڑ نہ بوتگ اَنت۔