پالیسی ساز، کاروباری ادارہ وسول سوسائٹی موسمیاتی بدلی نا برخلاف جنگ اٹی تینا کڑد ءِ ادا کیر، رومینہ خورشید عالم نا ’’بریتھ پاکستان‘‘ کانفرنس آن تران

اسلام آباد۔ 07 فروری (اے پی پی) وزیراعظم نا کوآرڈی نیٹر موسمیاتی بدلی رومینہ خورشید عالم سوگو موسمیاتی گام گیج و سوز ایسری کن زرکاری نا گرج آ زور شاغسا پارینے کہ پالیسی ساز، کاروباری ادارہ وسول سوسائٹی موسمیاتی بدلی نا برخلاف جنگ اٹی تینا کڑد ءِ ادا کیر۔ داخیال آتا درشانی ءِ او جمعہ نادے آ داڑے ’’بریتھ پاکستان‘‘ کانفرنس آن تران کرساکرے۔ اوپارے کہ پاکستان جہانی موسمیاتی تنکی تون مون تننگ ءِ، پاکستان نا جہانی گرین ہاؤس گیس آتا کشنگ اٹی بشخ اسہ درسد آن ہم کم ءِ۔ رومینہ خورشید عالم پارے کہ موسمیاتی بدلی نا ویل انا ایسری کن اسیجائی کوشست آتا گرج ءِ، موسمیاتی چیلنج آتون مون تننگ کن جہانی شریداری نا کڑد بھاز اہم ءِ۔ اوپارے کہ موسمیاتی  مالی کمکاری، ٹیکنالوجی نا گدریفنگ و لائخی سازی بھاز المی ءِ، صوبائی کہول آ موسمیاتی بدلی نا بابت است بڈگام گیج کننگ انگ ءِ۔ رومینہ خورشید عالم پارے کہ پنجاب موسمیاتی بدلی و پائیدار شاری ڈٹ بندی ٹی پیش پیش ءِ۔ خیبرپختونخوا ٹی جنگل آتا افزائش و رکھ رکھ قابل درور ءِ۔