جدہ۔7فروری (اے پی پی): بیپاری ءِ بنجاہی وزیر جام کمال خانءَ اسلامی کمک تنظیم ءِ سیکرٹری جنرل حسین ابراہیم طہ ءَ گوں جدہ ءَ گندءُ نند کتگ۔ گندءُ نندءَ او آئی سی باسکیں ملک آنی نیامءَ اقتصادی، بیپاری ءُ دیمروئی کمک ءَ را گیش کنگءِ سرءَ گپ ءُ تران کنگ بوتگ۔ جمعہ ءِ روچءَ وزارت ءِ شنگ کتگیں بیان ءِ ردءَ گندءُ نندءِ تہا بنجاہی وزیر ءَ او آئی سی ءِ گوما پاکستان ءِ جُہلیں نزیکی ءِ جزم ءِ درشانی کتگءُ گشتگ کہ مسلم دنیاءَ اقتصادی ءُ اسٹریٹجک سیادی ءَ را محکم کنگءِ ھاترءَ مزن تک ءِ گندءُ نند باز حاس آں۔ آئیءَ پاکستان ءِ مزن وزیر ءِ نیمگءَ چہ او آئی سی یکرٹری جنرل ءِ شکرءُ منت گپتگ کہ آئیءَ 11-12 جنوری 2025 ءَ اسلام آباد ءَ برجاہیں مسلم کمیونیٹیز ءِ تہا جنکانی وانگءُ زانگ ءِ سرءَ میان استمانی دیوان ءَ ہوار بوتگ۔بیپاری ءِ بنجاہی وزیر ءَ زالبول آنی ھک آنی دیمروئی ءِ واستہ او آئی سی ءِ کوشست آناں ھم ساڑاتگ وزیر برائے تجارت ءَ او آئی سی ءِ ملک آنی نیام ءَ اقتصادی ءُ تجارتی سیادی آنی ارزشت ءِ سر ءَ زور پر دات ءُ گوشت کہ آ وشھالی ءُ برجائی ءِ دیمروئی ءِ واستہ کلیدی کرد پیلو کن اَنت۔ آئی ءَ او آئی سی ءِ سیکرٹری جنرل ءِ سروکی ءَ را ساڑات ءُ گوشت کہ آئی ءِ نگرانی ءَ کنگ بوتگیں گامگیج باسکیں ملک آنی نیام ءَ تجارتی کمک ءَ را مزنیں کساسے ءَ گیش کنگ ءَ انت وزیر تجارت جام کمال خان ءَ او آئی سی ءِ سیکرٹری جنرل ءَ را جدہ ءِ تہ ءَ جاری ’’میڈ ان پاکستان‘‘ ءِ نمائش ءِ تر ءُ تاب کنگ ءِ دعوت دات۔ پاکستانی صنعت ءِ طاقت ءَ را پدر کنوکیں یک حاسیں بُن اِشتے لیک اِتگ۔ آئی ءَ گیش گشت کہ اے نمائش او آئی ملک آنی گوما اقتصادی کمک ءَ را گیش کنگءِ ھاترءَ یک گہتریں پلیٹ فارم دئیگ ءَ ایں۔ جام کمال ءَ اے موہءَ پاکستان ءِ نیمگءَ چہ لاہور ءَ گوازوکیں سال ءَ بوھوکیں 18 می او آئی سی بیپاری نمائش ءِ برجم دارگءِ جزم ءِ درشانی کتگ ءُ او آئی سی ءَ را ہمراہ دار کنگءِ دزبندی کتگ تنکہ اے ایونٹ گوں سوبمندی ءَ بہ بیت ۔ او آئی سی ءِ سیکرٹری جنرل حسین ابراہیم طہ ءَ پاکستان ءِ او آئی سی ءَ اقتصادی گامگیج ءَ را گیش کنگءَ را ساڑاتگ ءُ باسکیں ملک آنی نیام ءَ بیپار ءُ دیمروئی ءَ را گیش کنگءِ ھاترءَ پاکستان ءِ کوشست لکھ ستاہ کرز اَنت۔ آئی ءَ اے گپ ءِ سر ءَ زور پر دات کہ او آئی سی تجارت، سرمایہ کاری، ءُ پائیدار دیمروئی ءِ واستہ جزم اِنت ءُ اے مول ءُ مراد آناں دیم ءَ برگ ءِ واستہ پاکستان ءِ گوما کار کنگ ءِ واستہ تیار اِنت۔ گند ءُ نند ءِ گڈسرا وزیر تجارت جام کمال خان ءَ او آئی سی ءِ شرپداریں مہمانانی کتاب ءَ وتی تاثر ریکارڈ کت ءُ مسلم امت ءِ یکوئی ءُ دیمروئی ءِ واستہ او آئی سی ءِ کرد ءِ سر ءَ سرجمی ءَ دل یکیمی ءِ درشان کت۔ نیمگ ءَ وت مہ وتی دیمروئی ءِ واستہ یکجائی کوشست آناں گیش مھکم کنگ ءُ او آئی سی ءِ ملک آنی نیام ءَ تجارتی، سرمایہ کاری ءُ دیمروئی شریکداری ءَ را گیش مھکم کنگ ءِ وتی عزم ءِ پدا زور دات۔
