اسلام آباد۔7فروری (اے پی پی): کانودءِ بنجاہی وزیر سینیٹراعظم نزیر تارڑ ءَ گوں پاکستان ءَ تعیناتءَ جاپان ءِ سفیر اکاماٹسو شوچی ءَ جمعہ ءِ روچءَ گندءُ نندکتگ۔ کانودءُ انصاف ءِ وزارت ءِ جارچین ءِ گشگءِ ردءَ کانودءُ انصاف ءِ بنجاہی وزیر اعظم نزیر تارڑ ءَ گشتگ کہ پاکستانءُ جاپان ءِ نیامءَ سنگتیءُ دوستی ءِ سیادی اَست ءُ دوئیں ملک دیریگیں دوست آں، گرانیں ساھتاں جاپان ءَ دائمءَ گوں پاکستان ءَ ہمراہ داری کتگ۔ گندءُ نندءِ تہا بیپارءُ زرکاری ءِ پڑءَ کمک ءَ را گیش محکم کنگ ءِ سرءَ تپاک کنگ بوتگ۔ جاپانی سفیر ءَ جاپان ءِ پاکستانءِ دیمروئی ءُ اقتصادی دیمروئی ءَ را برجاہ دارگءِ جزمءِ درشانی کتگ۔ اوورسیز ڈویلپمنٹ اسسٹنس (او ڈی اے ) ءِ 70 سال سرجم بوھگءِ گپ ہم کنگ بوتگ ءُ بازیں پڑآں دونیمگی کمک ءَ را گیش کنگءِ سرءَ تپاک کنگ بوتگ۔
