بیجنگ/اسلام آباد۔6فروری (اے پی پی): پاکستان ءُ چین ءِ نیام ءَ مفاہمت نامہ ءِ سر ءَ دستخط کنگ ءِ مراگش چین ءِ بنجاھی شھر بیجنگ ءَ بوت۔ ادارگ ءِ پریس ونگ ءِ نیمگ ءَ جاڑی بوتگیں بیان ءِ رد ءَ مراگش ءَ صدر ءِ مملکت آصف علی زرداری، نائب مزن وزیر ءُ دری کارانی وزیر سینیٹر محمد اسحاق ڈار ءُ سندھءِ سروزیر سید مراد علی شاہ ءَ ھم مراگش ءَ بھر زرتگ۔ مراگش ءَ پاکستان ءِ ٹھٹھہ سیمنٹ کمپنی ءُ چین ءِ چنگ گانگ کنسٹرکشن گروپ ءِ نیام ءَ مفاہمت نامہ ءِ سر ءَ دستخط کنگ بوت۔ یادداشت ءِ رد ءَ پاکستان ءَ روچے 5ہزار ٹن سیمنٹ ءِ پیداوار ءَ را گیش کنگ ءِ واستہ پروڈکشن لائن ایر کنگ بیت۔ محکمہ سندھ انرجی ءُ چین ءِ منگ یانگ رینو ایبل انرجی کمپنی ءِ نیام ءَ یک مفاہمت نامہ ءِ سرا ہم دستخط کنگ بوت۔ یادداشت ءِ چیر دستی ءَ پاکستان ءَ قابل تجدید توان ءِ جتا جتائیں منصوبگ آنی سر ءَ کمک پجاری کنگ بیت۔ مراگش ءَ سندھ حکومت ءُ یک چینی کمپنی ءِ نیام ءَ کوئلہ ءِ گیسی فیکیشن ءُ یوریا پروڈکشن پلانٹ منصوبگ ءِ واستہ مفاہمت نامہ ءِ سر ءَ ھم دستخط کنگ بوت۔
