مظفر آباد۔5فروری (اے پی پی): مزن وزیر محمد شہباز شریف ءَ کشمیری یکوئی ءِ روچ ءِ موہ ءَ وتی کشمیری برات ءُ گہار آنی واستہ وتی اخلاقی، سفارتی ءُ سیاسی کمک ءِ یک رندے پدا گوشت کہ کشمیری آں وتی جان قربان کتگ انت۔ شمیر ءِ جیڑھ پاکستان ءِ دری پالیشی ءِ یک ھاسیں ستونے اِنت ءُ مانیت۔ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ آزات کشمیر ءِ یک روچی تر ءُ تاب ءِ ساھت ءَ آل پارٹی حریت کانفرنس ءِ سروک آں گوں گند ءُ نند ءِ ساھت ءَ اے ھیالانی درشانی کتگ اَنت۔ مزن وزیر ءَ گوشت کہ مرچی کشمیر یکوئی ءِ روچ ءِ موہ ءَ ما وتی کشمیری برات ءُ گہار آناں وتی اخلاقی، سفارتی ءُ سیاسی کمک ءِ یک رندے پدا پدر کن ایں کہ کشمیری آنی قربانی آناں وت واجہی ءِ حق ءِ واستہ جہد ءُ کوشست ءَ وتی جان قربان کتگ ءُ بھارت ءِ ھلاپ ءَ گامگیج زورگ ءِ ضلورت بے سوب نہ بیت۔ مقبوضہ جموں ءُ کشمیر ءِ تہا خلاف ورزی جموں ءُ کشمیر ءِ جیڑہ پاکستان ءِ دری پالیشی ءِ یک ھاسیں ستونے ءُ مانیت۔ مزن وزیر ءَ گوشت کہ پاکستان کشمیری اُلس ءَ را بے مٹیں اخلاقی، سفارتی ءُ سیاسی کمک ءَ را برجاہ دار ایت داں وھدے کہ آ اقوام متحدہ ءِ سلامتی کونسل ءِ قرارداد آنی رد ءَ وت واجہی ءِ حق ءَ را سر بہ کن اَنت۔ .آل پارٹی حریات کانفرنس ءِ رہشوناں مزن وزیر ءُ پاکستان ءِ حکومت ءَ را کشمیری آں گوں یکوئی ءِ درشان کنگ ءِ ھاتر ءَ ستا کرتگ ءُ کشمیری آجوئی ءِ تحریک ءِ ھاتر ءَ بے مٹیں کمک ءِ ستا کرز انت۔ مزن وزیر آزات جموں کشمیر چوہدری انوار الحق، سپیکر آزات جموں کشمیر اسمبلی چوہدری لطیف اکبر، بنجاھی وزرا احسن اقبال، رانا تنویر حسین، انجینئر امیر مقام، عطا اللہ تارڑ، کشمیری سروک غلام نبی صفی، ایڈوکیٹ پرویز، اعجاز رحمانی، سید گلشن، محمد اشرف ڈار، شاہین اقبال، مشتاق احمد، خورشید احمد خان ءُ راجہ خادم حسین شاہین شریک بوتگ انت۔
