اسلام آباد۔5فروری (اے پی پی): مزن وزیر محمد شہباز شریف آزات کشمیر ءِ یک روچی تر ءُ تاب ءِ واستہ مظفر آباد ءَ شتگ۔ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ کشمیر یکوئی ءِ روچ ءِ موہ ءَ وتی تر ءُ تاب ءِ ساھت ءَ مزن وزیر آزات جموں کشمیر ءِ قانون ساز اسمبلی ءَ گوں گشتانک دنت ءُ آل پارٹی حریت کانفرنس ءِ سروک آں گوں گند ءُ نند کنت۔ آزات کشمیر ءُ گلگت بلتستان ءِ کارانی بنجاھی وزیر انجینئر امیر مقام، صنعت ءُ پیداوار ءِ بنجاھی وزیر رانا تنویر حسین ءُ اطلاعات ءُ نشریات ءِ بنجاھی وزیر عطا اللہ تارڑ ھم مزن وزیر ءِ ھمراھی ءَ اتنت ۔
