اسلام آباد۔5فروری (اے پی پی): ادارکی صدر سید یوسف رضا گیلانی ءَ گشتگ کہ کشمیری مہلوک ءِ قربانی بے سوب نہ بنت، ءُ پاکستان ہمک محاذ ءَ کشمیری مہلوک ءِ کمک ءَ برجاہ دار ایت۔ سینیٹ سیکرٹریٹ ءِ نیمگ ءَ چہ جاڑی بوتگیں بیان ءِ رد ءَ کشمیر یکوئی ءِ روچ ءِ سر ءَ وتی کلوہ ءِ تہ ءَ ادارکی صدر ءَ گوشت کہ کشمیری اُلس ءِ قربانی بے سوب نہ بنت، پاکستان ھرچ محاذ ءَ کشمیری اُلس ءِ کمک ءَ برجاہ دار ایت، ءُ میاں اوستمانی براتی ءَ را کشمیری اُلس ءَ را رائٹ سیلفڈ دیگ ءِ تہ ءَ کرد پیلو کنگ لوٹ ایت۔ سید یوسف رضا گیلانی ءَ گوشت کہ بھارت ءِ ناجائزیں زورگیریں جموں کشمیر ءَ انسانی ھک آنی لگتمالی مذمت ءِ لائک انت، کشمیر پاکستان ءِ شریان انت، کشمیری کدی ایوک ءَ یلہ کنگ نہ بنت، سرجمیں پاکستانی راج کشمیری برات آنی گوما اوشتاتگ۔ آئی ءَ گوشت کہ کشمیر یکوئی ءِ روچ مظلومیں کشمیری الس ءِ گوما بیعت کنگ ءِ روچ اِنت، کشمیری الس ءِ آجوئی ءِ واستہ جہد ءُ کوشست دگنیا ءِ ضمیر ءِ چکاس اِنت۔ آئی ءَ گوشت کہ بھارت ءِ ریاستی ناشرکاری ءُ ظلم ءِ مذمت انت، پاکستان سفارتی، اخلاقی ءُ سیاسی پڑ ءَ کشمیری الس ءِ گوما اوشتاتگ۔ سید یوسف رضا گیلانی ءَ گوشت کہ کشمیر یکوئی ءِ روچ جزم، دلیری ءُ قربانی ءِ کسہ اِنت آئی ءَ گوشت کہ کشمیر ءِ الس تاں کشمیر ءِ آجوئی ءَ چہ ھمک فورم ءَ توار چست کنگ ءَ برجاہ مان اَنت۔ سید یوسف رضا گیلانی ءَ گوشت کہ 5فروری مظلوم کشمیری آنی حق ءَ توار چست کنگ ءِ روچ اِنت، کشمیر ءِ جیڈھ اقوام متحدہ ءِ قرارداد آنی رد ءَ گیش ءُ گیوار کنگ بہ بیت۔ آئی ءَ گوشت کہ زلم ءِ سیاھیں شپ ھلاس بوھگ ءَ انت، آجوئی کشمیری اُلس ءِ آکبت انت ادارکی صدر ءِ مملکت ءَ کشمیری اُلس ءِ قربانی آناں سلام پیش کنان ءَ گوشت کہ آوانی وت واجئی ءِ ھک ءِ منگ بہ بیت۔ سید یوسف رضا گیلانی ءَ گوشت کہ پاکستان ءُ کشمیر یک جان ءِ دو جند انت آئی ءَ گوشت کہ پاکستانی راج ءِ یکجاھیں کلوہ ھمیش انت کہ کشمیر پاکستان ءِ جوڑ بیت۔
