اسلام آباد۔ 04 فروری (اے پی پی) وزیراعظم نا کوآرڈی نیٹر جان جوڑی ڈاکٹر مختار احمد بھرتھ پارینے کہ پولیو نا چٹفنگ کن پولیو ورکرآتون پبی تفر، پولیو نا برخلاف جنگ اٹی دا ہیروک قوم اناآخبت ءِ رکھ کننگ ءُ۔ داخیال آتا درشانی ءِ او دورہ ءِ بلوچستان اٹی انسدادِ پولیو مہم نا بابت اڈہلوک جاچ دیوان نا کماشی ءِ کرسا کرے۔ انسداد پولیو نا بابت جاچ دیوان بلوچستان ایمرجنسی آپریشن سینٹر اٹی اڈ ہلک۔ سرجم حوال آتا رداٹ کوآرڈی نیٹر ای او سی بلوچستان صوبہ ٹی پولیو نا بابت برجاگام گج آتیا سرجمی اٹ حوال تس۔ وزیراعظم نا کوآرڈی نیٹر جان جوڑی صوبائی انتظامیہ تون اوار چناتے پولیو نا پڑی کُنفسا قومی پولیو مہم نا بناءِ کرے۔ ڈاکٹر مختار احمد بھرتھ پولیو مہم نا سرسہبی کن انسدادِ پولیو ٹیم تا خواری نا ستاءِ کرے۔ اولمہ و باوہ غاتیان خواست کرے کہ پولیو نا چٹفنگ کن پولیو ورکرآتون پبی تفر ، پولیو نا برخلاف جنگ اٹی داہیروک قوم اناآخبت ءِ رکھ کننگ ءُ۔
