اسلام آباد۔ 04 فروری (اے پی پی) صدر مملکت آصف علی زرداری دورہ ءِ چین اکن اسلام آباد آن روانہ مس۔ سے شنبے نادے آ ایوان صدر نا پریس ونگ آن جاری بیان نا رداٹ صدر مملکت 4آن 8 فروری اسکان دورہ ءِ چین اکن ڈل اتون اوار اسلام آباد آن روانہ مس، نائب وزیراعظم و وزیرخارجہ سینیٹر محمد اسحاق ڈار، وزیرداخلہ محسن نقوی، سینیٹر سلیم مانڈوی والا و ڈاکٹر عاصم حسین ئسک ہم صدر مملکت تون اوار ءُ۔ صدر مملکت بیجنگ اٹی چین انا بڑزکو کہول انا سیاسی سرکڑدہ غاتون اوڑدہی کیک۔ صدر مملکت تینا چینی ہم منصب شی جن پنگ و وزیراعظم لی چیانگ تون ہم اوڑدہی کیک۔ صدر مملکت نادورہ ءِ چین ہڑتوم آ کنڈآتا تعلقداری پین سوگو کننگ کن بھاز اہمیت تخک، دادورہ ہڑتوم آملک آتانیام اٹ ہڑتوم آ کنڈآتا اقتصادی و واپاری کمکاری ءِ پین ودفنگ اٹ اہم کڑد ادا کیک۔ اوڑدہی تیٹی پاک۔ چین اقتصادی راہداری، علاقائی رابطہ و سیکورٹی کمکاری تون اوار اہم ہڑتوم آکنڈآتا امور آ گپ وتران کننگک ۔
