اسلام آباد۔ 04 فروری (اے پی پی) بنجائی وزیر مذہبی امور و بین المذاہب ہم آہنگی چوہدری سالک حسین پارینے کہ بلاشبہ اسلام نا مون آدننگ و اشاعت اٹی دینی مدرسہ ، مسیت و عالم دین تا بنداوی و اہم ءُ کڑد اس مسنے، مدرسہ ہمو ہند آک ءُ ہرافتے تون اوار مرسا مسلمان تینا دین نا رکھ و عقیدہ ءِ سہی کننگ کیک۔ داخیال آتا درشانی ءِ او سے شنبے نادے آ وفاق المدارس نا کنڈآن امتحانی مرکز جامعہ محمدیہ نا دورہ نا وخت آ میڈیا تون گپ وتران کرساکرے۔ بنجائی وزیر وفاق المدارس نا کنڈآن امتحان تا جاچ ءِ ہلک و وفاق المدارس نا رداٹ جوڑ مروک امتحانی ہند آتا نظام آ است جمی نا درشانی ءِ کرے۔ داوخت آ بنجائی وزیر پارے کہ وفاق المدارس نا تعلیمی و امتحانی نظام انٹرنیشنل آب اتون ہم گرنچ و تعلیمی ادارہ غاتیکن رول ماڈل اسے۔ دینی مدرسہ غاتا تینا اسہ خاص ءُ نصاب اس مریک ہرا بے کچ پاکیزہ و نورانی چاگڑد اٹی خوانفنگک۔ بلاشبہ اسلام نا مون آدننگ و اشاعت اٹی دینی مدرسہ ، مسیت و عالم دین تا بنداوی و اہم ءُ کڑد اس مسنے۔ دینی مدرسہ غاتا وجود ہر دور اٹی مسلم ءِ، ہراوڑ روزاول اونا اہمیت ئس، اینو ہم ہموخس اہمیت ءِ۔
