پیکا ایکٹ انا مسخت فیک نیوز انا چٹفنگ و سوشل میڈیا نا خطرہ غاتا تدارک کننگ ءِ، کرپشن ادارہ غاتے بے بدل ءُ نسخان تس، عطاء اللہ تارڑ

لاہور۔ 03 فروری (اے پی پی) بنجائی وزیر حوالکاری، شینکاری ، قومی میرات و دودوربیدہ عطاء اللہ تارڑ پارینے کہ پیکا ایکٹ انا مسخت فیک نیوز انا چٹفنگ و سوشل میڈیا نا خطرہ غاتا تدارک کننگ ءِ، صحافت نا آڑاٹ سوشل میڈیا ءِ مادرپدر آجو اِلنگ مفک، کرپشن ادارہ غاتے بے بدل ءُ نسخان اس تس، وزارت حوالکاری نا ماتحت ادارہ غاتے کٹیائی کروک جوڑ کننگ کن غٹ وسیلہ غاتے کاریم اٹ اتنگ انگ ءِ، صحافی تے مون تروک ویل آتا ایسر اولیت ءِ۔ داخیال آتا درشانی ءِ او اے پی پی ایمپلائز یونین پنجاب نا عہدیدار آتا سوغندی دود آن بحیثیت مہمان خاص تران کرساکرے۔ داوخت آ مسلم لیگ (ن) نا راہشون بیگم ساجدہ فاروق تارڑ، کوآرڈینیٹر ہیریٹیج اینڈ کلچر فرح دیبا، ڈائریکٹر جنرل پی آئی ڈی لاہور شفقت عباس، انچارج اے پی پی اردو نیوز سروس لاہور محمد عبداللہ، صدر یونین رانا عبدالرحمان ، صدر اے پی پی ایمپلائز یونین اسلام آباد ملک خضرزمان، اے پی پی ایمپلائز یونین نا عہدیدار و سینئر صحافی تتون اوار بھلو کچ اسے ٹی ایلوبندغ آک ہم ساڑی ئسر۔ بنجائی وزیر حوالکاری پارے کہ ادارہ غاتا ملازم آک قومی میرات ءُ، ملازم آتا خواری، لگن و مہارت ہی ادارہ نا سرسہبی نا بنداو مریک۔ حکومت ادارہ غاتا گچینی و اوفتے کٹیائی کروک کننگ کن غٹ وسیلہ غاتے کاریم اٹ اتنگ ءِ۔ اوپارے کہ پاکستان ٹیلی وژن، پاکستان براڈ کاسٹنگ کارپوریشن ، ایسوسی ایٹڈ پریس آف پاکستان  تون اوار وزارت حوالکاری نا ماتحت ادارہ غاک جہانی کہول آ ملک انا مثبت دروشم ءِ تالان کننگ اٹ اہم کڑد ادا کننگ ءُ۔ ریڈیوپاکستان آن پاکستان نا آجوئی نا پڑو مس ہرا اسہ بھاز بھلو اعزاز اسے۔ اوپارے کہ پاکستان ٹیلی وژن، ریڈیوپاکستان و اے پی پی قومی ادارہ ءُ ہرا الس ءِ معلومداری نا فراوانی نا بنداوی زمواری تا اداکننگ  اتون اوار اوار ملک انا نظریاتی سیم تا محافظ ہم اریر۔ وزارت حوالکاری نا ماتحت ادارہ غاتے پوسکن آ وڑتتون ہم گرنچ کننگ نا گرج آ زور شاغسا بنجائی وزیر پارے کہ ساڑی آ دور پوسکن آ ٹیکنالوجی نا دورءِ، ننے دنیا نا مقابلہ ءِ کننگ کن پوسکن آ ٹیکنالوجی ءِ تینا کروئی مریک۔ اوپارے کہ وزارت نا غٹ ماتحت ادارہ غاتیٹی اصلاحات نا عمل برجاءِ ہرانا مسخت ادارہ غاتے کٹیا ئی کننگ ءِ۔ عطاء اللہ تارڑ پارے کہ ادارہ غاتا راجی آسودہی اوفتا ملازم آتون گنڈوک ءُ، ادارہ غاتا گچینی کن کاریم کروک آتے مدام یات تخنگک۔ اوپارے کہ کرپشن ادارہ غاتے بھاز نسخان تسنے، ہرانا سوب آن ننے سخت گام گیج کروئی تما۔ منیجنگ ڈائریکٹر اے پی پی محمد عاصم کھچی نا ادارہ غان کرپشن نا چٹفنگ نا کوشست آتا ستاءِ کرسا بنجائی وزیر پارے کہ کرپشن نا کیس آتے ایسر اسکان سرکننگک۔ پیکا ایکٹ نا بابت گپ وتران کرسا بنجائی وزیر حوالکاری پارے کہ پیکا ایکٹ انا مسخت بیرہ فیک نیوز آتا چٹفنگ و سوشل میڈیا نا خطرہ غاتا توننگ ءِ۔ اوپارے کہ ملک اٹی سوشل میڈیا نا کمک اٹ فیک پروپیگنڈا کننگاکہ، جعلی خبر،زیزاریفنگ، چناتتون بدسلوکی کون آ نامناسب خبر تالان کننگاکہ، ملکی سالمیت ءِ نسخان تننگ نا کوشست کننگاکہ، زرگزران نا بابت بے پک حالیت ودی کننگک، مخلوق ءِ زیزاریفنگ، اوفتیا دروغ انا فتویٰ خلنگ، توہین نا دوبہ خلسا واجب القتل گوندنگ، زالبول آتے بلیک میل کننگ کون آ گندہ انگا ڈوہ سرتننگاکہ ہراڑآن نفسیاتی ویل آک ودی مریرہ۔ صحافت نا آڑاٹ سوشل میڈیا ءِ مادرپدر آجو اِلنگ مفک، کرپشن ادارہ غاتے بے بدل ءُ نسخان اس تس، وزارت حوالکاری نا ماتحت ادارہ غاتے کٹیائی کروک جوڑ کننگ کن غٹ وسیلہ غاتے کاریم اٹ اتنگ انگ ءِ، صحافی تے مون تروک ویل آتا ایسر اولیت ءِ۔بنجائی وزیر حوالکاری پارے کہ ادارہ غاتا ملازم آک قومی میرات ءُ، ملازم آتا خواری، لگن و مہارت ہی ادارہ نا سرسہبی نا بنداو مریک۔ حکومت ادارہ غاتا گچینی و اوفتے کٹیائی کروک کننگ کن غٹ وسیلہ غاتے کاریم اٹ اتنگ ءِ۔ اوپارے کہ پاکستان ٹیلی وژن، پاکستان براڈ کاسٹنگ کارپوریشن ، ایسوسی ایٹڈ پریس آف پاکستان  تون اوار وزارت حوالکاری نا ماتحت ادارہ غاک جہانی کہول آ ملک انا مثبت دروشم ءِ تالان کننگ اٹ اہم کڑد ادا کننگ ءُ، بنجائی وزیر پارے کہ سوشل میڈیا نا خطرہ غاتے توننگ کن داسہ جوان ءُ گام اسے۔ پیکا ایکٹ اٹی دنیا نا گچین وڑوڈول آتے تینا کننگانے، دا ایکٹ اٹی متنازعہ شق اس ارے تو مون آ اتنگے نن اوڑآ ہیت کننگ کن تیار اُن۔ داکان مست بنجائی وزیر حوالکاری و شینکاری عطاء اللہ تارڑ ریڈیو پاکستان آفس  لاہور آ سرمس تو اودے جم وجوش اٹ بخیرکننگا و اوڑآ پھل آتا پتی خسنگا۔ ایسر اٹ بنجائی وزیر حوالکاری اے پی پی ایمپلائز یونین پنجاب نا پوسکن گچین مروک آ عہدیدار آتیان سوغند ہلک، اوفتے مبارکبادی تس و پارے کہ داادارہ تون نما چناتا رزق وابستہ ءِ و کنے اومیت ءِ کہ یونین ادارہ نا گچینی کن پین خواری و لگن اٹ کاریم ءِ برجاتخک۔ بنجائی وزیر حوالکاری اے پی پی نا ملازم آتے مون تروک ویل آتا ایسری نا ہم باوری کرفے۔ دود انا ایسر اٹی بشخ ہلوک آتے شیلڈتننگا۔