مزن وزیر شہباز شریف سی ایم ایچ کوئٹہ ءِ تر ءُ تاب ءَ انت ، بلوچستان ءَ ناشرکاراں گوں جنگ ءَ ٹپی بوتگیں سیکورٹی کارندہانی گوما دوت ءُ درا ھ کت

کوئٹہ۔3فروری  (اے پی پی): مزن وزیر محمد شہباز شریف ءَ سی ایم ایچ کوئٹہ ءِ تر ءُ تاب کتگ ءُ بلوچستان ءِ کلات ءُ اے دگہ ضلع آنی تہ ءَ ناشرکار آنی گوما دلیری ءَ گوں جنگ ءِ وھد ءَ ٹپی بوتگیں سیکورٹی فورسز ءِ کارندہ آناں گند ءُ نند کتگ۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ سپاھیگ آنی بہادری ءُ دلیری ءَ را یات پیش کت ءُ ٹپیگیں سپاھیگ آنی گوما گپ ءُ تران کنان ءَ ملک ءِ واستہ قربانی ءِ جذبہ ءُ وطن ءِ رکھینگ ءِ ھاتر ءَ نائب مزن وزیر ءُ درئی کارانی وزیر اسحاق ڈار، وزیر دیمپانی خواجہ محمد آصف، بنجاھی وزیر اطلاعات ءُ نشریات عطا اللہ تارڑ، ءُ بنجاھی وزیر برائے بجلی اویس لغاری ھم مزن وزیر ءِ ھمراھی ءَ بوتگ اَنت۔ اے موہ ءِ سر ءَ مزن وزیر ءَ گوشت کہ شما درست راج ءِ بامرد اِت ایشی ءَ ھوار سرجمیں راج شمئے ءُ شمئے کھول ءِ سر ءَ پھر کنت کہ شما چہ ندر کنگ ءِ جزبگ ءَ پُر اَنت۔ داں راج ءِ ایمنی چوشیں بھادریں سپاھیگانی سپاری ءَ اِنت دژمن پاکستان ءَ گوں بد نیتی ءِ چم ءَ چار اِت نہ کنت۔ مزن وزیر ءَ  گوشت کہ ملک ءَ  چہ ناشرکاری ءِ  آفت ءَ  سرجمی ءَ  ھلاس کنگ ءِ  واستہ پاکستانی سلاہ بندیں اُرد ءُ پاکستانی الس یک مُشت ءِ  تہ ءَ  اوشتاتگ اَنت۔ بلوچستان ءِ تہا ناشرکاری ءِ آس  روک کنوک  بلوچستان ءِ دیمروی ءِ دژمن اَنت۔ پہ بلوچستان ءِ مہلوک ءِ رکھینگ ءَ سیکورٹی فورسز شپ ءُ روچ مشکول اَنت ءُ ناشریں مردم   بے سوب بنت۔ مزن وزیر ءَ گوشت کہ بلوچستان ءِ امن، دیمروئی ءُ وشھالی ءِ دژمن آنی نا شریں ارادہ آناں کدی ھم سوبمند بوھگ ءِ موہ دیگ نہ بیت۔