کوئٹہ۔3فروری (اے پی پی): مزن وزیر محمد شہباز شریف کوئٹہ ءَ سر بوتگ۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ کوئٹہ ءَ پجگ ءِ پد ءَ گورنر بلوچستان شیخ جعفر خان مندوخیل ءُ سر وزیر میر سرفراز احمد بگٹی ءَ مزن وزیر ءَ را وش اتک کتگ۔ مزن وزیر گوستگیں لھتیں روچاں قلات ءَ ناشرکارانی ھلاپ ءَ آپریشن ءَ بھادری ءَ گوں جنگ ءِ وھد ءَ ٹپی بوتگیں سیکورٹی فورسز ءِ کارندہ آنی ھیال داری ءِ واستہ کوئٹہ ءَ بیت ۔ مزن وزیر ءَ کوئٹہ ءَ صوبائی سروکی ءَ گوں ھم گند ءُ نند کنت ءُ امن ءُ ایمنی ءِ بابت ءَ سرپد کنگ بیت۔ مزن وزیر ءِ ھمراھی ءَ نائب مزن وزیر ءُ درئی کارانی وزیر اسحاق ڈار، دیمپانی ءِ وزیر خواجہ آصف، بنجاھی وزیر ءِ ھال ءُ اھوال عطا اللہ تارڑ ءُ بنجاھی وزیر ءِ بجلی اویس لغاری ھم ھوار اَنت۔
