اسلام آباد۔3فروری (اے پی پی): چین ءِ صدر شی جن پنگ ءِ دعوت ءِ پد ءَ 4 ءَ بگر داں 8 فروری ءَ صدر آصف علی زرداری چین ءِ سرکاری تر ءُ تاب ءَ کنت۔ دوشمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ تر ءُ تاب ءِ ساھت ءَ صدر ءِ مملکت بیجنگ ءَ چینی سروکی ءَ گوں گند ءُ نند کنت ایشی ءِ تہ ءَ صدر شی جن پنگ، مزن وزیر لی کی کیانگ ءُ ایندگر مزنیں چینی سروک ھوار اَنت۔ بیان ءِ رد ءَ گپ ءُ تران ءَ پاکستان ءُ چین ءِ سیادی ءِ سرجمیں دائرہ کار ءِ سر ءَ چار ءُ تپاسی کنگ بیت، ایشی ءِ تہ ءَ ناشرکاری ءُ سیکورٹی کمک، چین ءُ پاکستان ءِ اقتصادی راہداری ءُ آیوکیں رابطہ ءِ گامگیج ھوار اَنت، ایشی ءِ تہ ءَ اقتصادی ءُ تجارتی کمک ءِ سر ءَ ھاسیں دلگوشی دیگ بیت۔ بیان ءِ تہ ءَ گیش گوشت کہ دوئیں نیمگ کثیر جہتی فورم آنی تہ ءَ جھان ءُ دمگی جیو پولیٹیکل لینڈ اسکیپ ءُ دو نیمگی کمک ءِ سر ءَ ھم تران کن اَنت۔ چینی حکومت ءِ ھاسیں دعوت ءِ سر ءَ صدر ءِ مملکت چین ءِ صوبہ ہائیلونگ جیانگ ہاربین ءَ 9می ایشیائی زمستانی گوازی آنی بنگیج ءِ مراگش ءَ ھم بھر زوری کنت۔ اے تر ءُ تاب ءَ پاکستان ءُ چین ءِ نیام ءَ مزن تک ءِ تبادلہ ءِ روایت ءَ را پدر کنگ بوتگ، ایشی ءَ چہ دوئیں ملک آنی ہر موسم ءِ اسٹریٹجک کمک ءِ شریکداری ءَ را مھکم کنگ ءِ واستہ گہتریں جزم ءِ درشان کنگ بوتگ۔ اے سی پیک ءَ ھوار بنیاتی مفاد، اقتصادی ءُ تجارتی کمک ءَ را دیم ءَ برگ ءِ واستہ یکوئی کمک ءِ دوبر پدر کنت ءُ دمگی امن، دیمروئی ءُ استحکام ءِ واستہ مئے یکجائی جزم ءَ را پدر کنت۔
