اسلام آباد۔1فروری (اے پی پی):سینیٹ ءِ چیئرمین سید یوسف رضا گیلانی ءَ ضلع کلات ءَ سیکورٹی فورسز ءِ سر ءَ ناشرکاری اُرش ءَ را سک باز مذمت کتگ ءُ ایشی ءَ را بزدلیں کارروائی لیک اتگ۔ on ءِ روچ ءَ سینیٹ ءِ چیئرمین ءَ گوشت کہ ناشرکار پاکستان ءِ دیمروئی ءَ چہ ترسگ ءَ اَنت ءُ اے وڑیں کار آنی وسیلگ ءَ دیمروئی ءِ عمل ءَ را دارگ لوٹ اَنت۔ پاکستان ءِ الس ءُ سیکورٹی فورسز ءِ جزم ءُ حوصلہ برز انت ۔ چیئرمین سینیٹ ءَ ناشرکاری اُرش ءِ آسر ءَ جانی بیرانی ءِ سر ءَ رنج ءُ گم ءِ درشانی کتگ ۔ آئی ءَ گوشت کہ ما شھید آنی ھاندان ءِ ھمراھی ءَ اوشتاتگ آں ءُ اے گرانیں وھد ءَ آھاں ایوک ءَ یلہ نہ کن آں۔ آئی ءَ گوشت کہ ما ناشرکاری ءَ را چنچو مذمت بہ کن ایں بلے اے وبا ءِ ھلاسی ءِ واستہ پاکستان ءِ سلاہ بندیں اُرد، سیکورٹی فورسز ءُ کانود ءِ نفاذ ءِ ادارہ آں مزنیں قربانی داتگ۔ آئی ءَ گوشت کہ سیکورٹی فورسز ءَ ناشرکار آنی ھلاپ ءَ دلیری ءُ بہادری ءَ گوں آپریشن کتگ ءُ ملک ءَ امن ءُ ایمنی ءِ برجائی ءِ واستہ وتی سرانی قربانی داتگ۔
