اسلام آباد۔1فروری (اے پی پی):منصوبگ بندی، دیمروئی ءُ ھاسیں گامگیج آنی بنجاھی وزیر احسن اقبال ءَ گوشت کہ وانگ ءُ زانگ ءُ صنعت ءِ نیام ءَ کمک پاکستان ءِ ورنا آنی دیمروئی ءِ کلیت انت۔ شمبے ءِ روچ ءَ وزارت ءِ منصوبگ بندی ءِ نیمگ ءَ چہ رستگیں بیان ءِ رد ءَ بنجاھی وزیر احسن اقبال ءَ کیل یونیورسٹی ءِ ڈینس کوٹس فاؤنڈیشن بلڈنگ ءُ بزنس اسکول ءِ تر ءُ تاب کتگ ءُ صنعت ءَ را وانگ ءُ زانگ ءِ نظام ءِ تہ ءَ یکجا کنگ ءِ نوکیں ماڈل ءِ چار ءُ تپاسی کتگ اے نوکیں رھبند نذار ءَ نیام ءَ براہ راست کمک ءَ را دیم ءَ برگ ءَ انت۔ نودربر ءُ صنعت ءِ رہشون آنی سر ءَ دلگوشی دنت ءُ اے گپ ءَ را دل یکیمی کنت کہ گریجویٹ آنی تہ ءَ مارکیٹ ءِ لوٹ آنی رد ءَ مہارت ءِ واھند بوھگ ءِ سر ءَ زور پر دات کہ یونیورسٹی آناں ایوک ءَ جسمانی بنیاتی ڈھانچہ ءِ سر ءَ دلگوشی نہ دیگ بہ بیت آ کلاس روم ءَ گوں بندوک مہ بنت بلکیں آھاں جدت ءُ خلاقیت ءِ مراگش آنی تہ ءَ بدل کنگ بہ بیت۔ آئی ءَ پلاننگ کمیشن ءِ سائنس ءُ ٹیکنالوجی ءِ واکدار آناں ہدایت کت کہ آ پاکستان ءَ ھمے وڑیں ماڈل ءِ زورگ ءَ بہ کن اَنت کہ ایشی ءِ تہ ءَ وانگ ءُ زانگ ءِ نصاب ءُ ادارگی فریم ورک ءِ تہ ءَ صنعتی شریکداری ھوار اِنت آئی ءَ گوشت کہ اے گامگیج نودربر آناں کمک کن اَنت ما تجربگ ءُ صنعت ءِ رہشونی ءَ را پُل کن ایں، وانگ ءُ زانگ ءُ روزگار ءِ نیام ءَ فرق ءَ را پُل کن ایں ۔ ، ءُ ملک ءِ معیشت ءِ ھاترا نوکیں رھبندے ءِ دیم ءَ آرگ ءَ انت۔
