راولپنڈی۔1فروری (اے پی پی):کلات ءَ ناشرکاری ءِ زھرناکیں کارروائی ءِ پد ءَ پاکستانی لشکر ءَ ضلع ہرنائی ءَ آپریشن ءِ وھد ءَ 11 ناشرکار کشتگ ءُ ناشرکار آنی بازیں پناہ گاہ ھلاس کتگ اَنت۔ شمبے ءِ روچ ءَ پاکستانی اُرد ءِ انٹر سروسز پبلک ریلیشنز ءِ نیمگ ءَ چہ شنگ بوتگیں پریس ریلیز ءِ رد ءَ ضلع قلات ءَ زھرناکیں ناشرکاری کارروائی ءِ پس منظر ءَ سرجمیں صوبگ ءَ سیکورٹی فورسز ءَ بازیں سینیٹائزیشن آپریشن کنگ ءَ اَنت۔ ، ضلع ہرنائی ءَ کنگ بوتگیں آپریشن ءِ تہا پاکستانی فوج ءِ سپاھیگاں ناشرکاراں جوانیں رنگے ءَ نشانگ جوڑ کتگ ءُ ایشی ءِ آسر ءَ 11 ناشرکار بیران بوتگ انت ءُ بازیں ناشرکارانی پناہ گاہ ھلاس بوتگ انت۔ ناشرکارانی نیمگ ءَ یک سڑک ءِ بند کنگ ءِ کوشست سوبمند بوتگ ءُ 12 ناشرکار بیران بوتگ انت بلوچستان ءَ گوستگیں 24 کلاک ءِ تہ ءَ جتا جتائیں کارروائی آنی تہ ءَ سرجم ءَ 23 ناشرکار بیران بوتگ انت۔ ناشرکاری ءِ ھلاس کنگ ءِ کار ھما وھد ءَ برجاہ بیت داں کہ اے زھرناکیں ءُ بزدلیں کار ءِ مرتکب انصاف ءِ دیم ءَ آرگ بہ بنت۔ ءُ آسراتی دیوک انصاف ءِ دیم ءَ آرگ نہ بنت پاکستان ءِ سیکورٹی فورسز گوں قوم ءَ یکجا بوھگ ءَ چہ بلوچستان ءُ پاکستان ءَ ناشرکاری ءِ آفت ءِ ھلاس کنگ ءَ جزم اَنت۔
