اسلام آباد/باکو۔1فروری (اے پی پی):سرمایہ کاری، نجکاری ءُ رابطہ کاری ءِ بنجاھی وزیر عبدالعلیم خان ءَ گوشت کہ مزن وزیر محمد شہباز شریف اے ماہ ءَ میاں اوستمانی ملک آنی تر ءُ تاب ءَ کنت ءُ آذربائیجان ءَ چہ 2 ارب ڈالر ءِ سرمایہ کاری ءِ لوٹ ءَ کنت۔ ءِ توقع ءِ رد ءَ جتا جتائیں شعبہ آنی تہ ءَ ، ایشی ءِ تہ ءَ کنٹریکٹ ءُ موٹروے ھوار اَنت۔ شمبے ءِ روچ ءَ ادا رستگیں بیان ءِ رد ءَ سرمایہ کاری، نجکاری ءُ مواصلات ءِ بنجاھی وزیر عبدالعلیم خان ءِ سروکی ءَ پاکستانی ڈل ءَ آذربائیجان ءِ وزیر آنی گوما گند ءُ نند کتگ ایشی ءِ تہ ءَ آذربائیجان ءِ ٹرانسپورٹ، سرمایہ کاری، توانائی ءُ اقتصادی کار آنی وزیر ھوار اَنت۔ بنجاھی وزیر عبدالعلیم خان ءَ باکو ءَ مشاورتی دیوان ءَ ھم بہر زرتگ۔ اے موہ ءِ سر ءَ گشتانک دیان ءَ آئی ءَ گوشت کہ آذربائیجان ءُ پاکستان ءِ نیام ءَ وت مہ وتی کمک ءِ 15 معاہدہ آنی سر ءَ کار جاری اِنت مزن وزیر اے ماہ ءَ میاں اوستمانی ملک آنی تر ءُ تاب ءَ کنت ءُ آذربائیجان ءِ گوما سرمایہ کاری ءِ واستہ 2 ارب ڈالر ءِ معاہدہ کنگ بیت۔ موٹروے ءَ ھوار جتا جتائیں شعبہ آں چہ توقع انت۔ عبدالعلیم خان ءَ گوں باکو ءَ آذربائیجان ءِ توانائی ءِ وزیر پرویز شہبازوف ءُ اقتصادی کارانی نائب وزیر صمد بشیری ءَ ھم گند ءُ نند کتگ ءُ آذربائیجان ءِ وزیر آنی نیمگ ءَ پاکستانی ڈل ءَ را دلجمی ءَ گوں وش آتک کنگ بوتگ ءُ گوشت کہ دوئیں ملک دو نیمگی سیادی ءَ را مھکم کنگ ءَ برجاہ دار اَنت۔ مستقبل ءَ ما تعاون ءِ وسیلہ ءَ دیم ءَ شُت کنیں۔ آذربائیجان ءِ ٹرانسپورٹ ءِ وزیر راشد نبیوف ءَ پاکستانی ڈل ءَ گوں ھم گند ءُ نند کتگ ءُ دوئیں ملک آنی نیام ءَ سرجمیں گپ ءُ تران بوتگ ءُ تیل ءُ گیس ءِ شوبگ ءِ ھاسیں جیڈھ آنی سر ءَ گپ ءُ تران بوتگ۔ نجکاری ءِ بنجاھی وزیر، سرمایہ کاری ءُ مواصلات ءِ بورڈ ءَ وتی گند ءُ نند آنی ساھت ءَ آذربائیجان ءِ جتا جتائیں ڈل آناں بریفنگ کنان ءَ گوشت کہ آذربائیجان ءِ سرمایہ کار پاکستان ءِ نجکاری منصوبگ آنی تہ ءَ سک باز دلگوشی ءِ درشان کنگ ءَ اَنت۔ بنجاھی وزیر عبدالعلیم خان ءِ شمبے ءِ روچ ءَ آذربائیجان ءِ مزن وزیر علی اسدوف ءَ گوں ھم گند ءُ نند کنگ ءِ گمان اِنت۔
