لاہور۔1فروری (اے پی پی):مزن وزیر محمد شہباز شریف ءَ ناشرکارانی ہلاس کنگ ءِ ھاتر ءَ سیکورٹی فورسز ءِ پیشہ وارانہ صلاحیتانی توسیپ کتگ ءُ گشتگ کہ بلوچستان ءَ بدمعاشی شنگ کنوک بلوچستان ءِ دیمروئی ءُ آبادی ءِ دژمن انت۔ بلوچستان حکومت دیمروی ءِ ھاتر ءَ ھرچ وڑیں گامگیج ءِ زورگ ءَ برجاہ بہ دار اَنت۔ شمبے ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ تہ ءَ مزن وزیر محمد شہباز شریف ءَ ھرنائی بلوچستان ءَ ناشرکار آنی ھلاپ ءَ سوبمندیں آپریشن ءِ سر ءَ سیکورٹی فورسز ءِ توسیپ کتگ ءُ آپریشن ءِ ساھت ءَ 11 ناشرکار آنی کوش ءِ واستہ سیکورٹی فورسز ءِ پیشہ وارانہ توانائی آنی توسیپ کتگ۔ . آئی ءَ سیکورٹی فورسز ءَ را ھم بلوچستان ءَ امن ءُ ایمنی ءِ ھراب کنگ ءِ کوشست آناں بے سوب کنگ ءِ پد ءَ ستا کرتگ۔ مزن وزیر ءَ گوشت کہ بلوچستان ءَ امن ءِ دژمن آنی نا شریں ارادہ آناں کدی ھم سوبمند بوھگ ءِ موہ دیگ نہ بیت آ بلوچستان ءَ شرارت ءِ شنگ کنوک بلوچستان ءِ دیمروئی ءُ وشھالی ءِ دژمن اَنت۔ مزن وزیر محمد شہباز شریف ءَ گشتگ کہ حکومت بلوچستان ءِ دیمروئی ءِ ھاتر ءَ ہر ممکنیں گامگیج ءَ برجاہ دار ایت۔ آئی ءَ گوشت کہ بلوچستان ءِ بے گناہیں الس ءَ را ناشرکار آنی چہ رکھینگ ءِ واستہ پاک فوج ءِ بے دروریں جزم ستا کرز انت۔\932
