ناشر کار  بلوچستان ءِ امن ءَ ھراب کنگ لوٹ اَنت، سیکورٹی فورسز راج دژمنیں  آناں سر گچل  کنگ ءِ واستہ کارروائی ءَ برجاہ دار اَنت، صدر آصف علی زرداری قلات ءَ ناشرانی سر ءَ اُرش ءَ گوں تُرندی ءَ ایر جنت

اسلام آباد۔1فروری  (اے پی پی):صدر آصف علی زرداری ءَ ضلع کلات ءَ بوتگیں ناشرکاری اُرش ءِ سک باز مذمت کتگ ءُ گشتگ کہ ناشرکاریں عناصر بلوچستان ءِ امن ءَ را ھراب کنگ لوٹ اَنت، ءُ سیکورٹی فورسز راج دژمنیں عناصر ءِ سرکوب کنگ ءِ ھاترا آپریشن برجاہ دارگ ءَ اَنت۔ ھما عناصر کہ ملک ءِ امن ءَ ھراب کن اَنت۔ شمبے ءِ روچ ءَ صدر ءِ مملکت پریس ونگ ءِ نیمگ ءَ جاڑی بوتگیں بیان ءِ تہ ءَ صدر ءِ مملکت ءَ ناشرکار آنی ھلاپ ءَ آپریشن ءِ ساھت ءَ 18 سیکورٹی کارندہ آنی شھید بوھگ ءِ سر ءَ سک باز دلپدردی ءُ اپسوز ءِ درشانی کت ءُ ناشرکار آنی ھلاپ ءَ وھد ءِ سر ءَ گامگیج زورگ ءُ وتی جان ندر کنگ ءِ پد ءَ شھید آناں شگر ءُ منت گپت۔ عقیدت ءِ پیشکش کت۔ صدر ءِ مملکت ءَ آپریشن ءِ ساھت ءَ 12 ناشرکارانی کوش ءِ پد ءَ سیکورٹی کارندہ آنی بہادری ءِ ھم توسیپ کت ءُ شھید آنی واستہ مزن تریں رند ءُ آھانی کھول آنی واستہ صبر ءِ دعا ھم کت۔ صدر ءِ مملکت ءَ گوشت کہ کرپٹیں عناصر بلوچستان ءِ امن ءَ را ھراب کنگ لوٹ اَنت، سیکورٹی فورسز ملک ءِ دژمنیں عناصر آنی سرکوب کنگ ءِ واستہ گامگیج برجاہ دار اَنت، ءُ پاکستانی الس ھما عناصر ءَ رد کنت کہ آ ملک ءِ امن ءَ را ھراب کن اَنت۔ صدر آصف علی زرداری ءَ گوشت کہ دزّی ءِ ھلاپ ءَ جنگ ءَ سرجمیں راج وتی سیکورٹی فورسز ءِ گوما اوشتاتگ۔