اسلام آباد۔1فروری (اے پی پی):مزن وزیر محمد شہباز شریف ءَ گوشت کہ پاکستان دوئیں ملک آنی الس ءِ وشھالی ءِ واستہ بیلاروس ءِ گوما دو نیمگی سیادی ءَ را گیش مھکم کنگ ءِ واستہ جزمیگ انت ایشی ءِ تہ ءَ بیپار ءُ سرمایہ کاری ھم ھوار انت۔ مزن وزیر محمد شہباز شریف ءَ شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ وتی پوسٹ ءِ تہ ءَ گوشت کہ بیلاروس ءِ صدر الیگزینڈر لوکاشنکو ءَ گوں گپ ءُ تران کنگ ءَ من ءَ سک باز وشی بوتگ ءُ آئی ءَ را دوبر گچین بوھگ ءِ سر ءَ مبارک بات داتگ۔ مزن وزیر ءَ گیش گوشت کہ الیگزینڈر لوکاشنکو ءِ گچینکاری بیلاروس ءِ الس ءِ آئی ءِ سروکی ءِ سر ءَ برجاھیں بھروسہ ءِ درشان اِنت۔ مزن وزیر ءَ گوشت کہ تجارت ءُ سرمایہ کاری ءَ ھوار جتا جتائیں شوبگ آنی تہ ءَ دو نیمگی سیادی آناں گیش مھکم کنگ ءُ دوئیں ملک آنی اُلس ءِ وشھالی ءِ واستہ ایشانی گوما کار کنگ ءِ برجاہ دارگ ءِ ودار ءَ آں ۔
