اسلام آباد۔31جنوری (اے پی پی): بنجاھی تہی کارانی وزیر محسن نقوی ءَ خیبر پختونخوا ءِ جتا جتائیں دمگ آنی تہ ءَ خوارج ناشرکار آنی ھلاپ ءَ ناشرکاری ءِ ھلاپ ءَ کارروائی کنگ ءِ پد ءَ سیکورٹی فورسز ءَ را شگر ءُ منت گپت۔ جمعہ ءِ روچ ءَ تہی کارانی وزیر محسن نقوی ءَ گوشت کہ پاکستان ءِ بہادریں سیکورٹی فورسز ءَ یک رندے پدا سوبمندیں آپریشن کنگ ءَ خوارج ناشرکار آنی نا شریں ارادہ آناں ناکام کتگ۔ سیکورٹی فورسز ءَ وھد ءِ سر ءَ آپریشن کتگ ءُ 10 خوارج ناشرکار غمناکیں آسر ءَ سر کتگ اَنت۔ محسن نقوی ءَ 10 خوارج ناشرکارانی کوش ءِ سر ءَ سیکورٹی فورسز ءِ توسیپ کتگ ۔ آئی ءَ گوشت کہ خیبر پختونخوا ءَ امن ءِ برجائی ءِ واستہ سیکورٹی فورسز ءِ نیمگ ءَ چست کتگیں گامگیج ستا کرز اَنت خوارج ناشرکار ملک ءِ سر ءَ بار اَنت ءُ راج ءِ کمک ءَ چہ آ سرجمی ءَ ھلاس کنگ بنت۔ ناشرکاری ءِ ھلاپ ءَ جنگ ءَ سیکورٹی فورسز ءَ را خوارج ناشرکار آنی ھلاپ ءَ مزنیں سوبمندی یے رستگ۔
