راولپنڈی/اسلام آباد۔31جنوری (اے پی پی): صدر آصف علی زرداری ءَ پاک فضائیہ ءِ نیمگ ءَ برجم داشتگیں نیشنل ایرو اسپیس سائنس اینڈ ٹیکنالوجی پارک ءِ تر ءُ تاب کتگ۔ صدر ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ پاک فضائیہ ءِ سروک ایئر چیف مارشل زھرہ احمد بابر سدھو ھم ساڑی بوتگ۔ تر ءُ تاب ءِ ساھت ءَ صدر ءِ مملکت ءَ را پارک ءِ بابت ءَ سرجمیں بریفنگ دیگ بوت۔ صدر ءِ مملکت ءَ را گوشگ بوت کہ سائنس اینڈ ٹیکنالوجی پارک پاکستان ءِ دیمروئی ءِ سفر ءِ تہ ءَ یک المی ایں سنگ اِنت۔ اے پروجیکٹ راجی ارزشت ءِ واھند اِنت۔ آئی ءَ گوشت کہ سائنس ءُ ٹیکنالوجی پارک پاکستان ءَ زانت ءُ ٹیکنالوجی ءِ سر ءَ بنیات ءِ سر ءَ معیشت ءِ بُن ھشت جوڑ کنگ ءِ مول ءُ مراد خلاء، سائبر، آئی ٹی، مصنوعی ذہانت ءُ ایرو اسپیس ءِ تہ ءَ نجی ءُ سرکاری شوبگ ءِ ادارگ آناں یکجا کنگ اِنت۔ صدر ءَ را گیش گوشگ بوت کہ سائنس اینڈ ٹیکنالوجی پارک ءَ را دگنیا ءِ جوانیں ایرو اسپیس، سائبر ءُ آئی ٹی کلسٹر آنی تہ ءَ یکے جوڑ بوھگ ءِ واستہ سرجمی ءَ تیاری کنگ بوتگ۔ پارک ءِ وسیلگ ءَ نوکیں ٹیکنالوجی، پٹ ءُ پول ءُ دیمروئی ءِ مراکز ءُ نوآبادیاتی مراکز ءِ گوما راجی زمین ءِ ندارگ بدل بیت اے پارک ءَ چہ ملک ءَ را چاگردی، معاشی، سیکورٹی ءُ سائنسی رد ءَ نپ رسیت۔ صدر ءِ مملکت ءَ پاک فضائیہ ءُ ایشی ءِ ہنرمندیں کارندہ آنی توسیپ کت۔ صدر ءِ مملکت ءَ نیشنل ایرو اسپیس سائنس اینڈ ٹیکنالوجی پارک ءِ تہ ءَ نوکیں ٹیکنالوجی ءِ ماحولیاتی نظام ءِ ھم توسیپ کت۔ آئی ءَ نوکیں جنگی چیلنج آناں گر ءُ چیل بوھگ ءُ بے دروریں وھد ءِ تہ ءَ راجی اسٹریٹجک ارزشت ءِ منصوبگ آناں سرجم کنگ ءِ واستہ پاک سلاہ بندیں اُرد ءِ سروکی ءِ وژن ءُ کارکردگی ءَ را ساڑات۔
