اسلام آباد۔ 31 جنوری (اے پی پی) بنجائی وزیر امور کشمیر و قطبی علاقہ جات انجینئر امیر مقام پارینے کہ پی ٹی آئی تینا دروغ انا ہلنگ نا خلیس آن مذاکرات نا میز آن نرا، پی ٹی آئی مذاکرات آخا بیرہ بے چیٹی خواہک، پارلیمانی کمیٹی نا کمک اٹ 26 نومبر و2014نا دھرنہ غاتا جاست وپاست مرے تو پی ٹی آئی نا دروغ مون آبریک۔ جمعہ نادےآ تینا بیان اٹی اوپارے کہ پی ٹی آئی تینا دروغ انا ہلنگ نا خلیس آن مذاکرات نا میز آن نرانے، وزیراعظم شہباز شریف 2018 و2024نا گچین کاری تا جاست وپاست آ بھلو پیشکش اس کرے، مذاکرات آن نرنگ شاہدی ءِ کہ پی ٹی آئی تینا دروغ انا بے نقاب مننگ نا خلیس آن جاست وپاست خواپک ہی۔ اوپارے کہ پارلیمانی کمیٹی نا کمک اٹ 26 نومبر و2014نا دھرنہ نا جاست وپاست مرے تو پی ٹی آئی نا دروغ مون آ بریک۔ انجینئرامیر مقام پارے کہ پی ٹی آئی حکومتی کمیٹی نا ورندی ءِ بِننگ آن بیدس میدان آن نرا انتئے کہ پی ٹی آئی مذاکرات آخا بیرہ بے چیٹی خواہک، پی ٹی آئی نا لیڈر وزیراعلیٰ خیبرپختونخوامننگ نا جنگ اٹی اختہ ءِ۔
