کوئٹہ۔ 31 جنوری (اے پی پی) گورنر بلوچستان جعفر خان مندوخیل صوبائی دارالحکومت کوئٹہ نا اسہ ہندی ہوٹل اسے ٹی کشت وکشار آ تالان سلابتی سیشن نا بشخ ہلوک آتیان تران کرسا پارے کہ کشت وکشار و لائیو اسٹاک نا تینا گیشتر لائخی تخنگ آن پد ہم بلوچستان نا مچ آ ایگریکلچر سیکٹر جمود نا گواچی ءِ، انتئے کہ نن کشاری وپار آ تالان اسہ جوان ءُ حکمت عملی اس جوڑ کننگ اٹ داتم اسکان بے سہب اُن۔ اسہ کنڈآ ننا زمیندار آک پوسکن آ کشاری وڑتیان نابلد ءُ تو ایلو کنڈآ ننا کشاری چاہندار آتا ان پٹ ہم گنج اس اف۔ کشاری زرگزران نا مون آ دننگ نا بابت لسبیلہ یونیورسٹی نا وائس چانسلر پروفیسر ڈاکٹرعبدالمالک ترین و اونا مچ آ ٹیم خراج تحسین نا حقدار ءُ۔ داخیال آتا درشانی ءِ او لسبیلہ یونیورسٹی نا کنڈآن کشت وکشار آ تالان واپار نا مون آ دننگ کن اسہ سلابتی سیشن اسے نا بشخ ہلوک آتیان تران کرساکرے۔ ہندا سیشن اٹی لسبیلہ یونیورسٹی آف ایگریکلچر، واٹر ومیرین سائنسزنا (LUAWMS)نا وائس چانسلر پروفیسر ڈاکٹر عبدالمالک ترین، بیوٹمز یونیورسٹی نا وائس چانسلر پروفیسر ڈاکٹر خالد حفیظ، لورالائی یونیورسٹی نا وائس چانسلر پروفیسر ڈاکٹراحسان کاکڑ، پرنسپل سیکرٹری ٹو گورنر بلوچستان ہاشم خان غلزئی و مسکوہی وائس چانسلر ڈاکٹر دوست بلوچ تون اوار چندی اسٹیک ہولڈر زبشمول صنعتکار، پالیسی میکر، ریسرچر و پریکٹیشنز آک ہم ساڑی ئسر۔
