اسلام آباد۔ 31 جنوری (اے پی پی) بنجائی وزیر صنعت وپیدوار رانا تنویرحسین پارے کہ روچہ ٹی صارف آتے ریلیف فراوان کننگ حکومت نا زمواری ءِ، مقدس تُواٹی بورہ نا نہاد آتے ودفنگ نا موکل تفننگک، بورہ نا نہاد آتا گڈیکو پڑو 6فروری پنچ شنبے آ کننگک۔ اوجمعہ نادے آ بورہ نا نہاد آتا بابت جاچ دیوان نا کماشی ءِ کریکہ۔ رانا تنویر حسین پارے کہ بورہ نا نہاد آتیا سلابت کن شوگرمل آتے اسہ ہفتہ نا وخت تننگا، بورہ نا نہاد آتا گڈیکو پڑو پنچ شنبے 6 فروری آ کننگک، بزغر آتے کٹیا ٹی شریک کننگے۔ اوپارے کہ شوگر مل آتے بزغرآتا پیدوار و مالی ویل آتا ایسری کن تینا کڑدءِ ادا کننگے۔ دیوان اٹی چیئرمین ایف بی آر راشد محمود لنگڑیال ہم دیوان اٹی بشخ ہلک۔
