واشنگٹن۔ 31 جنوری (اے پی پی) امریکہ ٹی پاکستان نا سفیر رضوان سعید شیخ پارینے کہ ساڑی پاکستانی حکومت ملک انا جمہوری ادارہ غاتے سوگو کننگ و اونا زرگزران ءِ سوگو کننگ کن سنبرینگوک ءِ۔ اوتدوک آ دے واشنگٹن اٹی اسہ مچی اسے آن تران اٹی پاکستان اٹی اقتصادی بحالی و زرکاری نا کٹیا کروک چاگڑد ءِ تالان کرسا منہ اہم ٹک آتا کنڈآ اشارہ کرے ہراٹی افراط زر اٹی نمان کمتی اوار ءِ۔ اوپارےدانتیجہ حکومت نا گچین اقتصادی پالیسی تا شاہدی ءِ۔ او ’’ایمبیسڈر انسائیڈرسیریز‘‘ نا رداٹ دود آن تران کریکہ۔ داپروگرام ہراکہ سفیر آتون ملنگ و ہموملک آتا بارواٹی ہُننگ نا وارخواہی فراوان کیک ہرانا او نمائندگی ءِ کیرہ۔ دا سیریزنا مہمانداری ماہانہ اخبار واشنگٹن ڈپلومیٹ کیک۔ دود اٹی امریکی تھنک ٹینک کمیونٹی نا باسک، کیپٹل ہل نا عملہ، تعلیم نا چاہندار، سول سوسائٹی و میڈیا نانمائندہ غاک بشخ ہلکر۔ اوپاکستان نا مون آ بروک ٹیک سیکٹر آ زور شاغسا پارے کہ پاکستان مچ آ دنیا ٹی امریکہ غان پد آئی ٹی فری لانسنگ اٹی ارٹ میکو غٹ آن بھلا کمک کروک آ ملک ءِ۔
