واشنگٹن۔ 16جولائی (اے پی پی) امریکی صدر ڈونلڈ ٹرمپ اسہ وار ولدا قطر انا کنڈآن دہشت گردی نا مخ تفی آ کڑی نکتہ چینی کرسا پارے کہ قطر اٹی امریکی فوجی اڈہ نا ساڑی گری امریکہ نا مجبوری اف، ڈیہہ نا چندی ایلو ملک آک تینا ہموڑے امریکی فوجی اڈہ غاتا اڈتننگ کن تیار ئُ۔ امریکی ٹیلی ویژن سی بی این ئِ تروک آ اسہ انٹرویو اسے ٹی ڈونلڈ ٹرمپ پارے کہ قطر دہشت گرد آتا مالی کمکاری نا وڑاٹ پنی ئِ۔ داسہ وخت بسنے کہ قطر دہشت گردی نا کمکاری ئِ دمدستی وڑاٹ تورے۔ اسہ سوج اسے نا ورندی ٹی امریکی صدر نا پاننگ ئس کہ اونا ملک انا قطر اتون گچین تعلقداریک ئُ۔
