اسلام آباد۔ 30 جنوری (اے پی پی) بنجائی وزیر داخلہ محسن نقوی ایف ایٹ جناح ایونیوانٹرچینج و ایف ٹین راؤنڈ آباؤٹ پروجیکٹ آتا دورہ ءِ کرے۔ وزیرداخلہ محسن نقوی 42دےاٹی انڈرپاس نا پوروی آن پد فلائی اوورپروجیکٹ ءِ ہم ریکارڈ مد اٹی پورو کننگ نا ٹاسک تس۔ فروری نا ارٹ میکو ہفتہ اسکان فلائی اوورءِ ٹریفک کن ملنگک۔ اوجناح ایونیوانٹرچینج فلائی اوورپروجیکٹ آ کاریم نا رفتار ءِ ترند کننگ نا پارت کرسا پارے کہ اسپیڈ اتون آب ءِ ہرحال اٹ برقرار تخنگے۔ وزیرداخلہ ہڑتوم آ پروجیکٹ آتا زوت پوروی کن پرمان کرساپارےکہ تعمیراتی کاریم آتون پروجیکٹ آتا اطراف بیوٹیفکیشن نا کاریم ءِ برجاتخنگے۔ اوایف ایٹ جناح ایونیو انٹرچینج و ایف ٹین راؤنڈ آباؤٹ ڈٹ آتیا برجاتعمیراتی سرجزآتا جاچ ءِ ہلک۔ وزیرداخلہ ہڑتوم آپروجیکٹ آتیا مروک آ پیش رفت نا معائنہ ءِ کرے۔ جناح ایونیو انٹرچینج آ فلائی اوور نا باسک گرڈرنا بیس سلیب پورو کننگانے۔ وزیرداخلہ ڈٹ آتا اطراف شجرکاری و ہارٹیکلچر نا کاریم ءِ تخوک آ مد اٹی پورو کننگ ناپارت کرے۔ وزیرداخلہ محسن نقوی ایف ٹین راؤنڈ آباؤٹ ودکی پروجیکٹ آ کاریم نا رفتار نا جاچ ءِ ہلسا پروجیکٹ ءِ فروری نا اولیکو ہفتہ ٹی پورو کننگ نا ٹاسک تس۔ محسن نقوی پارے کہ ڈٹ آتا پوروی آن شاری تے ٹریفک جام آن نجات ملک، شاری تے ہن و براٹی بھاز آسراتی ملک۔ سگنل فری کوریڈور آ سفر آن وخت و ایندھن نا بچت مریک۔ چیئرمین سی ڈی اے محمد علی رندھاوا ڈٹ آتیا پیش رفت آ حوال تس۔ بنجائی سیکرٹری داخلہ محمد خرم آغا، نیسپاک نا تعلقدار کمامدار و بڑزکو آفیسر آک ہم داوخت آ ساڑی ئسر۔
