اسلام آباد۔ 30 جنوری (اے پی پی) وزیراعظم محمد شہباز شریف قطبی وزیرستان نا علاقہ میر علی ٹی 6خارجی تے جہنمی کننگ آ سیکورٹی فورس آتا کارندہ غاتے خراج تحسین پیش کرسامیجر حمزہ اسرار و سپاہی محمد نعیم نا شہیدی آ ڈکھیائی و است ہسونی نا درشانی ءِ کرے۔ پنچ شنبے نادے آ پی ایم آفس نا میڈیا ونگ آن جاری بیان نا رداٹ وزیراعظم شہید آتا درجہ غاتا بڑزی و خاہوت کن صبر وجمیل نا دعاکرے۔ وزیراعظم پارے کہ قوم انا مارتا عظیم قربانی تے زیان مننگ کن اِلیپنہ، ملک دشمن زموار آتا ناپاک عزم ءِ مش تا کینہ۔ اوناپاننگ ئس کہ حکومت و سیکورٹی فورس آک ملک آن دہشت گردی نا پورو چٹفنگ کن متحرک ءُ۔
