اسلام آباد۔30جنوری (اے پی پی) بنجائی وزیر صنعت وپیدوار راناتنویرحسین نا کماشی ٹی کابینہ کمیٹی نا دیوان مس، ہراٹی یوٹیلیٹی اسٹورآتا بندش، پنجرجاٹی اصلاحات و نجکاری نا گمانی آپشن تیا سجفنگا، دیوان اٹی وزیرمملکت انفارمیشن ٹیکنالوجی شزافاطمہ ہم بشخ ہلک۔ دیوان اٹی تدوک آ2آن 3سال انا ایلو ماندہ آڈٹ ءِ پورو کننگ نا بارواٹی گپ وتران و وزیراعظم رمضان ریلیف پیکج 2025 نا بابت ہم گپ وتران مس، کمیٹی وزیراعظم نا است خواہی نا رداٹ پبی تشہیری مہم اس چلیفنگ آ زور شاغا۔ کمیٹی یوٹیلیٹی اسٹورآتا کمک اٹ سبسڈی مروک گڑاتا فراوانی نا سلاہ پیش کرے و رمضان پیکج نا بابت صوبہ غاتیان ہم معلومداری دوئی کننگ نا فیصلہ کرے۔ داکان بیدس، تدوک آ سال انا روچہ پیکج ءِ پین گچین کننگ آہم سجفنگا۔
