اسلام آباد۔ 30 جنوری (اے پی پی) وزیراعظم محمد شہباز شریف تون بنجائی وزیر داخلہ و چیئرمین پاکستان کرکٹ بورڈ سید محسن رضا نقوی اوڑدہی کرے و اودے تینا ساڑی آ دورہ ءِ امریکہ و داوخت آ اہم امریکی کمامدار، کاروباری برادری و زرکارآتون اوڑدہی تا بابت معلومدارکرے۔ پنچ شنبے نادے آ پی ایم میڈیا آفس آن جاری بیان نا رداٹ وزیرداخلہ اوڑدہی ٹی وزیراعظم ءِ چیمپئنز ٹرافی نا اڈتننگ نا تیاری تیان ہم معلومدار کرے ہراڑآ او محسن نقوی تون اوار بورڈ واونامچ آ ٹیم انا کوشست آتاستاءِ کرے۔ وزیرداخلہ وزیراعظم ءِ اسلام آباداٹی برجاشونداری کاریم تیا پیش رفت آن ہم معلومدار کرے ہراڑآ او کاریم نا رفتار نا ستاءِ کرے۔ اوڑدہی ٹی محسن نقوی وزیراعظم ءِ انسانی اسمگلنگ اٹی اوار گروہ تا برخلاف آپریشن آ پیش رفت و سرجم آتیان ہم معلومدارکرے۔ وزیرداخلہ ملکی امن و ایمنی نا حالیت آتیا وزیراعظم ءِ حوال ہم تس۔
