اسلام آباد۔29جنوری (اے پی پی):انگولا، جمیکا، لگزمبرگ، یوروگوئے ءُ مالٹا ءِ غیر رہائشی سفیر آں چار شمبے ءِ روچ ءَ صدارتی ایوان ءَ برجم داشتگیں مزن نامیں مراگش ءِ ساھت ءَ صدر آصف علی زرداری ءَ را وتی سفارتی اسناد پیش کت۔ صدارت ءِ پریس ونگ ءِ رد ءَ صدر ءَ انگولا ءِ سفیر نامینتگیں جولیو بیلارمینو گومز مائیٹو ءَ چہ اسناد رستگ۔ جمیکا ءِ نامینتگیں سفیر آرتھر ولیمز، لگزمبرگ ءِ نامینتگیں سفیر رونالڈ ریلینڈ، یوروگوئے ءِ نامینتگیں سفیر برالڈو روک نکولا فلانیگن ءُ مالٹا ءِ نامینتگیں ہائی کمشنر ریمنڈ بانڈن ءَ ھم وتی اسناد صدر ءِ مملکت ءَ را پیش کنان ءَ سفیر آناں وش آتک کنان ءَ گوشت۔ نامینتگیں سفیر آناں پاکستان ءِ تہ گچینی ءِ سر ءَ آئی ءَ امیت سہرا کت کہ آ پاکستان ءِ گوما بیپاری، معیشت، سرمایہ کاری، دود ءُ ربیدگ ءُ مردم آنی نیام ءَ رابطہ آنی شوبگ آنی تہ ءَ دو نیمگی سیادی ءَ را گیش مھکم کنگ ءِ تہ ءَ وتی کرد ءَ پیلو کن اَنت۔ ایشی ءَ چہ پیسر سفیر آناں صدر ءِ گس ءَ سر بوھگ ءَ پد پاک سلاہ بندیں اُرد ءِ جوانیں پوشاکیں دستہ ءِ نیمگ ءَ سفیر آناں گارڈ آف آنر پیش کنگ بوت۔
