اسلام آباد۔29جنوری (اے پی پی):مزن وزیر محمد شہباز شریف ءَ سپریم کورٹ ءِ پیسریگیں جج ءُ بیگواھیں مردم کمیشن ءِ سروک جسٹس (ریٹائرڈ) فقیر کھوکھر ءِ بیرانی ءِ سر ءَ دلپدردی ءِ درشانی کتگ۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں دلپدردی بیان ءِ تہ ءَ مزن وزیر ءَ گوشت کہ مرحومیں جسٹس (ریٹائرڈ) فقیر کھوکھر ءَ وتی زندمان ءَ وتی عدالتی ازمت آنی وسیلگ ءَ ملک ءُ راج ءِ واستہ بے دروریں ھزمت کتگ۔ یک جوانیں قاضی یے بلے یک مزنیں مردمے ھم بوتگ اَنت کہ آیاں وتی کار گوں مزنیں ایمانداری ءُ محنت ءَ پیلو کتگ اَنت ءُ ما آیانی ھزمتاں خراج تحسین پیش کنیں۔ آئی ءَ دعا کت کہ اللہ تعالیٰ مرحوم جسٹس فقیر کھوکھر ءَ را وتی رحمت ءِ تہا جاگہ بہ دنت۔ مزن وزیر ءَ بیران بوتگیں مردم ءِ کھول ءِ واستہ صبر ءُ برداشت ءِ دعا ھم کتگ۔
