اسلام آباد۔29جنوری (اے پی پی):کشمیر ءِ کار ءُ گلگت بلتستان ءِ بنجاھی وزیر ءُ سیفران ءِ انجینئر امیر مقام ءَ چار شمبے ءِ روچ ءَ ضلعی بار ایسوسی ایشن بنر ءِ صدر نعیم الدین ءَ را مالی کمک ءِ چیک ءِ حوالہ کت اے موہ ءَ… بنجاھی وزیر ءَ بار ایسوسی ایشن ءِ صدر ءُ کابینہ ءِ باسک آناں چیک پیش کنان ءَ آئی ءَ قانونی کمیونٹی ءِ کرد ءِ توسیپ کت ءُ وتی جیڈھ آنی گیواری ءِ واستہ ھرچ وڑیں کمک ءِ دل یکیمی دات۔ آئی ءَ گوشت کہ وکیل قانونی ءُ انصاف ءِ نظام ءِ ریڑھ ءِ ھڈ اَنت ءُ آھانی وشھالی حکومت ءِ اولی ترجی اِنت ضلعی بار ایسوسی ایشن ءِ ڈل ءَ مالی کمک ءِ سر ءَ بنجاھی وزیر ءِ منت گپت ءُ آئی ءِ منت واری ءِ درشانی کت۔ کمیونٹی ءِ ھاتر ءَ چست کتگیں عملی گامگیجاں چہ زانگ بیت۔ ڈل ءِ تہ ءَ نائب صدر اشرف علی، جنرل سیکرٹری الیاس خان، مشترکہ سیکرٹری حمزہ خان، سیکرٹری خزانہ گل بچا ءُ شکیل خان ھوار اتنت ۔ اے موہ ءِ سر ءَ وزیر انصاف انجینئر امیر مقام ءَ مزن وزیر شہباز شریف، وزیر کانود اعظم نظیر تارڑ ءُ حکومت ءِ نیمگ ءَ عدلیہ ءُ قانود ءِ برات ءِ واستہ کتگیں اصلاحاتی گامگیج آناں شگر ءُ منت درشان کت۔ آئی ءَ گوشت کہ مزن وزیر شہباز شریف ءِ سروکی ءَ حکومت عدلیہ ءِ آجوئی ءَ را دل یکیمی کنگ، وکیل آنی جیڈھ آناں گیش ءُ گیوار کنگ ءُ ترند ءُ موثر انصاف ءِ پھجارینگ ءِ واستہ راجدپتری گامگیج چست کنگ ءَ اِنت کہ اے یک وش آتکیں ءُ انقلابی دیمروئی یے آئی ءَ گیش گوشت کہ مسلمان ءِ دیمروئی ءِ واستہ راجدپتری گامگیج زورگ ءَ اِنت۔ مسلم لیگ ن ءِ سرکار ءَ را قانون ءِ حاکمیت، عدلیہ ءِ مھکمی، ءُ راج ءَ را ارزان ءُ وھد ءِ سر ءَ انصاف ءِ پھجارینگ ءِ سر ءَ سرجمیں ایمان اِنت ءُ اے گامگیج عدلیہ ءِ نظام ءَ را گیش مھکم کن اَنت۔
