اسلام آباد۔ 29 جنوری (اے پی پی) سیکورٹیز اینڈ ایکسچینج کمیشن آف پاکستان (ایس ای سی پی) 12 فروری آ کراچی ٹی انشور امپیکٹ کانفرنس پاکستان نا مہمانداری ءِ کیک۔ کانفرنس نا بنداوی سرحال ’’انشور ڈ پاکستان نا سفر۔ کمکاری، مشغولیت و جدت ءِ مون آدننگ‘‘ ءِ۔ بنجائی و صوبائی وزیر، سینئرحکومتی عہدیدار، نمان پالیسی ساز و مالیاتی وا نشورنس سیکٹر نا چاہندار آک بشخ ہلیرہ۔ ایس ای سی پی آن جاری بیان نا رداٹ کانفرنس اٹی اہم سٹریٹجک شرہ غاتیاتالان جوان ایجنڈامریک ہراٹی انشورنس نا نظام نا جوان جاچ، سٹیک ہولڈرمشغولیت، موسمیاتی بدلی نا رداٹ آفت، و کشاری انشورنس، المی انشورنس نا ودکی، جان جوڑی نا انشورنس نا لائخی تا فائدہ ہرفنگ و ڈیجیٹائزیشن نا کمک اٹ اسہ انشورڈ پاکستان نا وژن ءِ مون آدننگ خاص کر ڈیجیٹل انشورنس انفراسٹرکچر کن اسہ مثالی نقشہ اس تیار کننگ اوار ءِ۔ آئی سی پی 2025 ایس ای سی پی نا پنچ سال انا سٹریٹجک ڈٹ انا ہدف آتے مون آدیک۔ اسہ انشورڈ پاکستان نا سفر ہرادے دسمبر 2023 اٹی اسہ کانفرنس اسے ٹی بناءِ کننگاسس۔ داگام انا مسخت انشورنس سیکٹر نا غٹ اسٹیک ہولڈر آتا نیام اٹ کمکاری ءِ مون آدننگ ءِ تانکہ بامعنی پیش رفت کننگ مرے۔ انشورنس سیکٹر ناشونداری نا بابت ایس ای سی پی نا عزم ءِ پک کرسا کانفرنس مشغولیت ءِ مون آدننگ، امنائی سلاہ ودی کننگ و 2028 اسکان اسہ متحرک، شمولیتی و جدید انشورنس ڈغار ءِ ٹہیفنگ کن کمکاری ءِ سوگو کننگ کن اسہ پلیٹ فارم اسے نا وڑاٹ کاریم کیک۔
