اسلام آباد۔ 29 جنوری (اے پی پی) کامن ویلتھ سیکرٹریٹ ڈل انا سروک لین رابنسن دولت مشترکہ نا ورناتا گام گیج آتیٹی پاکستان نا کڑد انا ستاءِ کرسا کایایوتھ سمٹ 2025ءِ علاقائی کمکاری ٹی اہم ءُ گام اس گوندا۔ چارشنبے نادے آ ’’اے پی پی‘‘ تون گپ وتران کرسا اوپارےکہ پاکستان نئے بیرہ کامن ویلتھ ایشیاریجنل سیکرٹریٹ نا مہمانداری ءِ کننگ ءِ بلکن ورناتا راہشونی نا مشن ءِ مون آ دننگ کن وزیرآتے ہم یکجاکننگ ءِ۔ پاکستان نا نیشنل یوتھ کونسل آ گپ وتران اٹی اوداگام آ پاکستان نا ستاءِ کرسا پارے کہ بھاز انگا ملک آتیٹی داسہ ہم ہچ ءُ دروشم اسے نا نیشنل یوتھ کونسل اف و ورناک پالیسی سازی آن پیشن ءُ۔ اوورناتے پالیسی سازی ٹی اوار کننگ آ وزیراعظم محمد شہباز شریف و وزیراعظم یوتھ پروگرام نا چیئرمین رانا مشہود احمد خان نا سرکڑدہ غاتا ستاءِ کرے۔
